বাক্সা জিলাৰ চূড়ান্ত ভোটাৰ তালিকা উন্মোচন

বাক্সা জিলাত উন্মোচন কৰা হয় চূড়ান্ত ভোটাৰ তালিকা ৷ জিলাখনৰ তিনিটা বিধানসভা সমষ্টিত মুঠ ভোটাৰৰ সংখ্যা 5 লাখ ৷ এইবাৰ চূড়ান্ত ভোটাৰ তালিকাত 48 শতাংশ নতুন ভোটাৰ অন্তৰ্ভুক্ত হয় ৷

বাক্সা, 18 জানুৱাৰী : 2021 চনৰ 1 জানুৱাৰীক যোগ্যতা বছৰ হিচাপে লৈ প্ৰস্তুত কৰা চূড়ান্ত ভোটাৰ তালিকাখন সোমবাৰে বাক্সা জিলাতো আনুষ্ঠানিকভাৱে উন্মোচন কৰা হয় ৷ বাক্সা জিলাৰ 58 নং তামুলপুৰ বিধান সভা সমষ্টি, 62 নং বৰমা বিধানসভা সমষ্টি আৰু 63 নং ছাপাগুৰি বিধানসভা সমষ্টিৰ ভোটাৰ তালিকাখন বাক্সা জিলা উপায়ুক্ত ৰঞ্জন শৰ্মাই উন্মোচন কৰে ৷