বাক্সা, 8 মে': ভৰা নৈত মৰণকে শৰণ দি বিপদ সংকুল যাত্ৰা বাক্সাৰ লাচিৰ ৰাইজৰ ৷ গোৰেশ্বৰ সংযোগী পথৰ বৰলীয়া নৈত কলৰ ভোৰৰে লাচিৰ ৰাইজে কৰি আহিছে বিপদ সংকুল যাত্ৰা ৷ ১৯৮৬ চনতে তামুলপুৰ গোৰেশ্বৰ সংযোগী পথৰ দ্বাৰকুছীৰ লাচিৰ বৰলীয়া নৈৰ ওপৰত থকা
কাঠৰ দলং ভাঙি যোৱাৰ ফলত দলং খনে জীয়াটো ভুগাইছে অঞ্চলতোৰ ৰাইজক । যাৰ পৰিণতিত বিগত বহু বছৰ ধৰি বাৰিষা যোৱাৰ পাচত স্থানীয় লোকে বাহৰ দলং নিৰ্মাণ কৰি যাতায়ত কৰি আহিছে । কিন্তু বিগত এসপ্তাহ ধৰি নেৰা-নেপেৰা বৰষুণে দলংখন উতুৱাই নিয়াৰ বাবে এতিয়া ৰাইজৰ একমাত্ৰ ভৰসা স্থল কলৰ ভোৰ আৰু এডাল ৰছী ৷ ছাত্ৰ-ছাত্ৰীকে ধৰি ডেকা বুঢ়া সকলোৱে কলৰ ভোৰৰে নদীৰ ইটো পাৰৰ পৰা সিটোপাৰলৈ যাতায়ত কৰি আহিছে কলৰ ভোৰৰে ।
আনহাতে, বিটিচিৰ আৰু কামৰূপৰ সীমান্তৰ ৰঙিয়া বিধান সভা সমষ্টিৰ আৰু বিটিচিৰ গৈয়বাৰী পৰিষদীয় সমষ্টিত পৰে বাবে ৰাইজে কোন বিধায়কৰ সৈতে দলঙখন সন্দৰ্ভত যোগাযোগ কৰিব তাৰ বাবে অনিচ্ছয়তাত স্থানীয় ৰাইজ ৷
