বাক্সাত বড়ো মাধ্যমৰ ছাত্ৰ-ছাত্ৰীক সম্বৰ্ধনা

প্ৰতি বছৰে নিখিল বড়ো ছাত্ৰ সন্থাই হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ বড়ো মাধ্যমৰ ছাত্ৰ-ছাত্ৰী সকলক সম্বৰ্ধনা জনাই আহিছে ৷ সম্বৰ্ধনা সভাখনৰ আৰম্ভণিতে নিখিল বড়ো ছাত্ৰ সন্থাৰ উপ-সভাপতি ৰোমিঅ পি নাৰ্জাৰীয়ে ভাষণ প্ৰদান কৰে ৷

বাক্সা, 28 মে': মঙলবাৰে এবছুৰ তামুলপুৰ আঞ্চলিক সমিতিৰ উদ্যোগত সদ্যঘোষিত হাইস্কুল শিক্ষান্ত পৰীক্ষাত সফলতাৰে উত্তীৰ্ণ হোৱা বড়ো মাধ্যমৰ ছাত্ৰ-ছাত্ৰী সকলক সম্বৰ্ধনা জনোৱা হয় ৷ তামুলপুৰ উচ্চতৰ মাধ্যমিক বিদ্যালয়ৰ স্থায়ী প্ৰেক্ষাগৃহত অঞ্চলটোৰ বিভিন্ন বিদ্যালয়ৰ পৰা উত্তীৰ্ণ হোৱা প্ৰায় 32 গৰাকী ছাত্ৰ-ছাত্ৰীক এখন আৰনাই, মান পত্ৰ , বড়োফা উপেন্দ্ৰ নাথ ব্ৰহ্মৰ প্ৰতিচ্ছবি আৰু কিতাপৰ টোপোলাৰে সম্বৰ্ধনা জনোৱা হয় ৷

প্ৰতি বছৰে নিখিল বড়ো ছাত্ৰ সন্থাই হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ বড়ো মাধ্যমৰ ছাত্ৰ-ছাত্ৰী সকলক সম্বৰ্ধনা জনাই আহিছে ৷ সম্বৰ্ধনা সভাখনৰ আৰম্ভণিতে নিখিল বড়ো ছাত্ৰ সন্থাৰ উপ-সভাপতি ৰোমিঅ পি নাৰ্জাৰীয়ে ভাষণ প্ৰদান কৰে ৷ তামুলপুৰ আঞ্চলিক এবছুৰ সভাপতি অজিত বড়োৱে সভাখন পৰিচালনা কৰে ৷