বাক্সা ,2 জুলাইঃ বিজেপি চৰকাৰে ৰাজ্য চৰকাৰৰ কেবিনেটত ভূমি নীতি সন্দৰ্ভত নতুন অধিসূচনা জাৰি কৰিছিল যাৰ জৰিয়তে অসমৰ যিকোনো ভূমিত যিকোনো লোকে মাটি ক্ৰয় কৰি হস্তান্তৰ কৰিব পাৰিব । আনহাতে ভূমি নীতি আৰু আইন , নীতিগত, বিধিগত সকলো প্ৰকাৰৰ বাধা অবিহনে বহিৰাগতই মাটি ক্ৰয় বিক্ৰয় আৰু হস্তান্তৰ কৰি উদ্যোগ স্থাপন কৰিব পাৰিব । উদ্যোগ স্থাপনৰ বাবে তিনি বছৰৰ বাবে কোনো অনুমতি, অনুমোদন আৰু অনুজ্ঞা অবিহনে লাখ লাখ খিলঞ্জীয়া কৃষিভূমি অনা-কৃষক আৰু বহিৰাগতৰ হাতত গটাবলৈ লোৱা এই সিদ্ধান্তৰ বিৰোধিতা ছাত্ৰ সন্থাৰ ৷ তামুলপুৰ মহকুমা ছাত্ৰ সন্থা, দক্ষিণ ডেফেলী ছাত্ৰ সন্থা আৰু কুমাৰীকাটা আঞ্চলিক ছাত্ৰ সন্থাই তীব্ৰ প্ৰতিবাদ সাব্যস্ত কৰে ।
অসমৰ ভূমি নীতিক উলংঘা কৰি খিলঞ্জীয়াৰ কৃষি ভূমি বহিৰাগতলৈ হস্তান্তৰ কৰা সিদ্ধান্তক বিৰোধিতা কৰি সদৌ অসম ছাত্ৰ সন্থাৰ আহ্বানত তামুলপুৰ মহকুমা ছাত্ৰ সন্থা আৰু কুমাৰীকাটা আঞ্চলিক ছাত্ৰ সন্থা, দক্ষিণ ডেফেলী ছাত্ৰ সন্থাই অসম চৰকাৰৰ ভূমি নীতিৰ নতুন অধিসূচনাৰ প্ৰতিলিপি দাহ কৰে ৷
লগতে পঢ়কঃকৰ’ণা আতংকৰ গ্ৰাসত নলবাৰী
