বোকোচাত উঠিয়ে ভোটাধিকাৰ সাব্যস্ত কৰিলে 105 বছৰীয়া আইতাই

মঙ্গলদৈ লোকসভা সমষ্টিৰ অন্তৰ্গত গোৰেশ্বৰৰ বেঙেনাহাটী মধ্য ইংৰাজী বিদ্যালয়ৰ ভোটগ্ৰহণ কেন্দ্ৰত ভোটাধিকাৰ সাব্যস্ত কৰিলে সমষ্টিৰ বেদুউল্লা বিবী নামৰ 105 বছৰীয়া মহিলাগৰাকীয়ে ৷

বাক্সা, 19 এপ্ৰিলঃ বাক্সা জিলাত মংগলদৈ লোকসভা সমষ্টিৰ অন্তৰ্গত গোৰেশ্বৰৰ বেঙেনাহাটী মধ্য ইংৰাজী বিদ্যালয়ৰ ভোটগ্ৰহণ কেন্দ্ৰত বোকোচাত উঠিয়েই ভোটাধিকাৰ সাব্যস্ত কৰিলে 105 বছৰীয়া আইতাগৰাকীয়ে ৷ ৫নং গোৰেশ্বৰৰ এই ১০৫ বছৰীয়া মহিলা গৰাকীৰ নাম বেদুউল্লা বিবী ৷

বোকোচাত উঠিয়ে ভোটাধিকাৰ সাব্যস্ত কৰিলে 105 বছৰীয়া আইতাই

নিজ বাসগৃহৰ পৰা ভোটগ্ৰহণ কেন্দ্ৰটো ২ কিলোমিটাৰ আতৰত থকাৰ বাবে গাঁৱৰে যুৱক ধনবৰ আলীৰ বোকোচাত উঠিয়েই ভোট দিলেহি বেদুউল্লা বিবীয়ে ৷ তেওঁৰ কয়, এখন সুস্থিৰ চৰকাৰ গঠন কৰাৰ বাবে ভোটদান কৰাটো খুবেই প্ৰয়োজন ৷ 105 টা বছৰ গৰকা মহিলা গৰাকীয়ে এইবাৰ 2019 বৰ্ষৰ লোকসভা নিৰ্বাচনতো ভোটদান কৰিবলৈ পাই আনন্দিত হৈ পৰে ৷