বাক্সা, 12 মাৰ্চঃবাক্সাতভোটাৰ্চ পাৰ্টী ইন্টাৰনেচনেলৰ এখনজনজাগৰণ সভা অনুষ্ঠিত হয়।জিলা ভি পি আই সমিতিৰ সভানেত্ৰী দিপালী শৰণীয়া বড়োৰ সঞ্চালনত অনুষ্ঠিত সভাৰ আত ধৰে ভি পি আইৰ ৰাজ্যিক সমিতিৰ সম্পাদক বিপুল নাৰ্জাৰীয়ে। সভাত মুখ্য অতিথি হিচাপে উপস্থিত থাকি ভি পি আইৰ নীতি নিৰ্দেশক, ৰাজনীতি সুধাকৰ বিশ্বাত্মা ভৰত গান্ধী ।
ভোটাৰ্চ পাৰ্টী ইন্টাৰনেচনেলৰ নীতি নিৰ্দেশকে মোডী চৰকাৰক তীব্ৰ সমালোচনা কৰি কয়- যদি ভোটাৰ্চৰ মাহিলি বেতনৰ কোনো ব্যৱস্থা নাই তেন্তে মোডী চৰকাৰে কিয় বছৰত ছয় হাজাৰ টকা দিয়াৰ চিন্তা কৰিছে ৷ তদুপৰি কংগ্ৰেছৰ যুৱৰাজ ৰাহুল গান্ধীয়েও সভাই সমিতিয়ে ভোটাৰ্চক তিনি হাজাৰ টকা দিব বুলি ঘোষণা কৰিছে ৷ আমাৰ উত্থানত সংকিত হৈ বি,জে,পি আৰু কংগ্ৰেছে এনেবোৰ কৰিবলৈ বাধ্য হৈছে বুলিও সদৰি কৰে ৷ যদিহে ২০১৯ ৰ লোকসভা নিৰ্বাচনত ভি,পি,আইয়ে জয়লাভ নকৰে তেন্তে পুনৰ পাচ বছৰ ভোটাৰ্চে প্ৰাপ্য অধিকাৰৰ পৰা বঞ্চিত হব লাগিব ৷ প্ৰেমৰে বিশ্ব পৰিৱৰ্তন মিচনত আগাবঢ়িছে আৰু এদিন সফল হব বুলি দাবী কৰে। আনহাতে বাক্সা জিলাৰ উদ্যোগত আৰু গোৰেশ্বৰ ব্লক সমিতিৰ সহযোগত অনুষ্ঠিত ভোটাৰ্চ জনজাগৰণ সভাত ৰাজ্যিক সমিতিৰ উপ-সভাপতি সুনীল সৰকাৰ, সদস্য মহেন্দ্ৰ ওৰাং, পুৰ্ণিমা ডেকা,ৰাজেশ নাৰ্জাৰীৰ লগতে ৰাজ্যিক মেডিয়াচেলৰ সভাপতি পবিত্ৰ বড়োও সভাত উপস্থিত থাকে ।
