বাক্সা,১৫ ফেব্ৰুৱাৰী :বাক্সাৰ তামুলপুৰত চাঞ্চল্যকৰ ঘটনা ৷ বৃহস্পতিবাৰে হস্তনিৰ্মিত বোমাৰে অচিনাক্ত দুৰ্বৃত্তৰ বিপিএফ নেতাৰ বাসগৃহত আক্ৰমণ ৷
বাক্সাত বিপিএফ নেতাৰ বাসগৃহত হস্ত নিৰ্মিত বোমাৰে আক্ৰমণ
বাক্সা জিলাৰ তামুলপুৰ আৰক্ষী থানাৰ অন্তৰ্গত কাউলীৰ তৰুণ গাঁৱত সংঘটিত হৈছে এই ঘটনা ৷বৃহস্পতিবাৰে নিশা জিলাখনৰ নাগ্ৰিজুলি পৰিষদীয় সমষ্টিৰ টি এল চি চিৰ নৱ নিৰ্বাচিত অধ্যক্ষ তথা বিপিএফ নেতা কৃষ্ণ শিকদাৰৰ বাসগৃহলৈ হস্ত নিৰ্মিত বোমা নিক্ষেপ কৰে এটা অচিনাক্ত দুৰ্বৃত্তৰ দলে ৷
অৱশ্যে বিস্ফোৰণৰ ফলত পৰিয়ালৰ কোনো ক্ষয়-ক্ষতি হোৱা নাই বুলি জানিব পৰা গৈছে ৷ কিন্তু এতিয়াও ৰহস্যৰ আৱৰ্তত আছে এই বোমা বিস্ফোৰণৰ কাৰণ ।
