বাক্সা, ২৭ ফেব্ৰুৱাৰীঃবাক্সাৰ তামুলপুৰ বিদ্যুৎসংমণ্ডলৰ অন্তৰ্গত বগাজুলীৰ মটঙানদীৰ মাজত বিপদসংকুল অৱস্থাত দুটাকৈ বিদ্যুৎ পৰিবাহী খুটা। যিকোনো মূহুৰ্ততে উঘালি পৰিব পাৰে খুটা দুটা । যাক লৈ এতিয়া চিন্তিত হৈ পৰিছে অঞ্চলটোৰ ৰাইজ । যদিও এইক্ষেত্ৰত কাণসাৰ নাই বিভাগীয় কৰ্তৃপক্ষৰ ।
যিকোনো মূহুৰ্ততে খহি পৰিব পাৰে বিদ্যুতৰ খুঁটা দুটা
বিগত বহুবছৰ ধৰি বানপানীৰ কৱলত পৰি বিধস্ত হৈ অহা বিদ্যুতৰ খুটা দুটা গাঁওবাসীয়ে পুনৰ নিৰ্মাণ কৰিছিল যদিও যোৱা বাৰিষাত পুনৰ বানপানীৰ কৱলত পৰি বিপদসংকুল অৱস্থাত পৰি ৰয় খুটা দুটা । সেয়েহে বাৰিষা অহাৰ পূৰ্বেই খুটা দুটা নিৰ্মাণৰ বাবে বিভাগীয় কৰ্তৃপক্ষক আহ্বান জনাইছে ৰাইজে । অন্যথা বাৰিষা অন্ধকাৰত ডুব যাব কেইবাখনো গাঁও ।
