স্পৰ্টছ ডেস্ক, ১৪ অক্টোবৰ : ৰোলান্ড গাৰোছত দেখুওৱা খেল অৱধাৰিত ৰখাটোৱে হ'ব ইগা স্বিয়াটেকৰ বাবে ডাঙৰ প্ৰত্যাহ্বান । ১৪ সংখ্যক গ্ৰেণ্ড শ্লামৰ ১১ সংখ্যক বিজয়ী ফ্ৰান্স অপেনৰ চেম্পিয়ন ১৯ বছৰীয়া পোলেণ্ডৰ তাৰকা খেলুৱৈ গৰাকীয়ে নিজৰ জয়ৰ পিছত এইদৰে কয় ।
মহিলাৰ একক শাখাক নিয়ন্ত্ৰণত ৰখা শেষৰগৰাকী খেলুৱৈ আছিল আমেৰিকাৰ জেৰেঙা উইলিয়ামছ । জানুৱাৰী ২০১৭ৰ পৰা প্ৰায় ১১ গৰাকী মহিলাই ১৪ টা গ্ৰেণ্ড শ্লাম খিতাপ অৰ্জন কৰিছে । ছেৰেণাই ২০১৭ ত তেওঁৰ শেষৰটো অৰ্থাৎ ২৩ সংখ্যক গ্ৰেণ্ড শ্লাম খিতাপ অৰ্জন কৰিছিল ।
নাওমি অছাকা আৰু ছিমোনা হালেপে মাল্টিপল টাইটেল; যাৰ ভিতৰত অছাকাই ৩টা আৰু হালেপে ২টা জয় কৰিছে । অছাকাই শেষৰটো ইউএছ অপেন জয় কৰিছে । স্বিয়াটেকে অছাকাৰ পৰাই অনুপ্ৰানিত হৈছিল ।
স্বিয়াটেকে কয় যে, অৱধাৰিত ৰখাটোৱে হ'ব মোৰ বাবে বৃহৎ প্ৰত্যাহ্বান । মই ভাবো মহিলা টেনিছে এই সমস্যাৰ সৈতে যুঁজি আছে । তাৰ বাবে আমাৰ বহুকেইগৰাকী গ্ৰেণ্ড শ্লাম জয়ী আছে । কিয়নো আমি ৰাফেল নাডাল, ৰজাৰ ফেডেৰাৰ আৰু জকভিছৰ দৰে অৱধাৰিত নহয় । তাৰ বাবে মই অৱধাৰিত হৈ থাকিবলৈ লক্ষ্য বান্ধি লৈছো । অৱশ্যে এয়া খুব কঠিন হ'ব ।
দুবছৰ পূৰ্বে ইগাই উইলডম্বন জুনিয়ৰ জয়ী হৈছিল আৰু ফ্ৰান্স অপেনত চাৰিটা স্তৰৰ পোনপটীয়া ছেটত হালেপক পৰাস্ত্ৰ কৰি এই খিতাপ অৰ্জন কৰিছে ।
লগতে পঢ়ক: ধাৰাষাৰ বৰষুণৰ ফলত হায়দৰাবাদত কন্যাৰ লগতে মহিলাৰ মৃত্যু
