মৰিগাঁও, 6 ডিচেম্বৰঃ মৰিগাঁও জিলাৰ মৈৰাবাৰী ভিক্টোৰিয়া ক্লাৱৰ উদ্যোগত সদৌ অসম ভিত্তিক স্বৰ্গীয় আব্দুল কাদিৰ মুক্তাৰ আৰু হবিবুৰ ৰহমান মড়ল সোঁৱৰণী প্ৰাইজমানী নক আউট T20 ক্ৰিকেট প্ৰতিযোগিতাৰ চূড়ান্ত খেলখন দেওবাৰে অনুষ্ঠিত হয় ৷ মৈৰাবাৰী ইন্দিৰা খেল পথাৰত অনুষ্ঠিত হয় চূড়ান্ত খেলখন ৷
চূড়ান্ত খেল খন শুভাৰম্ভণি কৰে সম্ৰাট মছলাৰ স্বতাধিকাৰী নুৰুল হুদা বেটিং আৰু গৰীবৰ বন্ধ বিৰাজ হাজৰিকাৰ বলিংয়েৰে । চুড়ান্ত খেলখন অনুষ্ঠিত হয় মিজান ইলেভেন দুমদুমীয়া বনাম মামা ইলেভেন নগাঁৱৰ মাজত ।
মিজান ইলেভেনয়ে ১৪ অভাৰ ২ বলত ১০ টা উইকেট হেৰুৱাই ৮৪ ৰানৰ লক্ষ্য বান্ধি দিয়ে মামা ইলেভেনক। তাৰ প্ৰত্যোত্তৰত মামা ইলেভেনয়ে ৯ অভাৰতে ৮৪ ৰান সংগ্ৰহ কৰি বিজয়ী খিতাপ অৰ্জন কৰিবলৈ সক্ষম হয় ৷
ইফালে, নাজমুল হকে ব্যক্তিগ'ত ভাৱে ১৯ টা বলত ৪৫ ৰান সংগ্ৰহ কৰি মেন অফ দা মেচ লাভ কৰে । এক লাখ টকা প্ৰাইজমানী ক্ৰিকেট খেলৰ বিজয়ী দল মামা ইলেভেনক নগদ ৭০ হাজাৰ টকাৰ লগতে কাদিৰ মুক্তাৰ আৰু হবিবুৰ ৰহমান সোৱৰণী ট্ৰফি প্ৰদান কৰে দাতা ছাইফুল ইছলামে ।
ইয়াৰ বিপৰীতে ৰাণাৰ্চ আপ মিজান ইলেভেন দলে লাভ কৰে ট্ৰফিৰ সৈতে নগদ ধন ৩০ হাজাৰ টকা । উত্তেজনাপূৰ্ণ ফাইনেল ক্ৰিকেট খেল খন কভিড প্ৰটকল পালন কৰি দৰ্শকসকলে উপভোগ কৰে ৷
