নিউজ ডেস্ক, 7 মাৰ্চ : টকিঅ' পেৰা অলিম্পিক চেম্পিয়ন বেডমিন্টন খেলুৱৈ প্ৰমোদ ভগতে স্পেইনৰ ভিক্টোৰিয়াত অনুষ্ঠিত Spanish Para badminton International II টুৰ্ণামেণ্টত তিনিটাকৈ স্বৰ্ণজয় কৰিবলৈ সক্ষম হয় । বিশ্বৰ শীৰ্ষস্থানৰ খেলুৱৈ প্ৰমোদ ভগতে একক শাখাত কুমাৰ নীতেশক 17-21,21-17,21-17 ব্যৱধানত পৰাস্ত কৰে ৷
আনহাতে ডাবলছত বিশ্বৰ এক নম্বৰ যুটি প্ৰমোদ ভগত আৰু মনোজ সৰকাৰে সুকন্ত কদম আৰু কুমাৰ নীতেশক 21-19, 11-21,21-11 ত পৰাজিত কৰি স্বৰ্ণ অৰ্জন কৰে । তাৰ পিছত ভগতে তেওঁৰ মিক্সড ডাবলছ সংগী পলক কোহলীৰ সৈতে যুটি বান্ধে আৰু প্ৰতিযোগিতাখনৰ তৃতীয়টো স্বৰ্ণ পদকৰ বাবে ভাৰতীয় যুটি ৰুথিক ৰাগুপতি আৰু মানসী গিৰীশ চন্দ্ৰ যোশীৰ বিৰুদ্ধে 14-21, 21-11, 21-14 ৰ ব্যৱধানত এক ৰোমাঞ্চকৰ জয়লাভ কৰে ।
লগতে পঢ়ক : জাদেজাৰ ক্ৰীড়াৰ যাদুৰে শ্ৰীলংকাৰ বিৰুদ্ধে প্ৰথম টেষ্টত বৃহৎ জয় ভাৰতৰ
