স্পৰ্টছ ডেস্ক, 30 ছেপ্টেম্বৰ : জামাইকান স্প্ৰীন্টাৰ শ্বেলী এন ফ্ৰেজাৰ প্ৰাইছে বিশ্ব চেম্পিয়নশ্বিপছৰ মহিলাৰ 100 মিটাৰ শাখাত স্বৰ্ণ পদক দখল কৰিবলৈ সক্ষম হৈছে ৷ এই জয়ৰ পাছতে বিশ্ব চেম্পিয়নশ্বিপছত চতুৰ্থটো স্বৰ্ণ জয় কৰা প্ৰথমগৰাকী এথলীট হিচাপে পৰিগণিত হয় শ্বেলী ৷ IAAF ৰ অ'ফিচিয়েল ৱেবচাইটে দাখিল কৰা প্ৰতিবেদন অনুসৰি, সন্তান প্ৰসৱ কৰাৰ মাত্ৰ 13 মাহ পাছতেই বিশ্ব চেম্পিয়নশ্বিপছত এই সফলতা অৰ্জন কৰিবলৈ সক্ষম হয় শ্বেলীয়ে ৷ 32 বৰ্ষীয় শ্বেলীয়ে 10.71 ছেকেণ্ডত স্বৰ্ণ পদক জয় কৰে ৷
এই শাখাত ব্ৰিটেইনৰ দিনা এছেৰ স্মিথে 10.83 ছেকেণ্ডেৰে ৰূপৰ পদক দখল কৰাৰ লগতে 10.90 ছেকেণ্ডেৰে ব্ৰঞ্জ পদক দখল কৰে মেৰী জ'ছ টা লৌয়ে ৷
উল্লেখ্য যে, 2008 আৰু 2012 অলিম্পিকত শ্বেলীয়ে স্বৰ্ণ দখল কৰিছিল ৷ শ্বেলীৰ পৰিৱৰ্তে জামাইকান পুৰুষ স্প্ৰীন্টাৰ ওছেইন বল্টৰ দখলত আছে বিশ্ব চেম্পিয়নশ্বিপছৰ তিনিটাকৈ স্বৰ্ণ ৷
