স্পৰ্টছ ডেস্ক,২৩ ডিচেম্বৰ : ভাৰতীয় মল্লযুঁজ ফেডাৰেশ্যনৰ সভাপতি হিচাপে ব্ৰীজভূষণ চৰণ সিঙৰ শিবিৰৰে সঞ্জয় সিং নিৰ্বাচিত হোৱাৰ পাছতে মল্লযোদ্ধাসকলৰ মাজত ব্যাপক প্ৰতিক্ৰিয়াৰ সৃষ্টি হৈছে । ইতিমধ্যে একাংশ মল্লযোদ্ধাই ক্ষোভ প্ৰকাশ কৰা দেখা গৈছে । ভাৰতীয় মল্লযোদ্ধা সাক্ষী মালিকে ইতিমধ্যে অৱসৰ ঘোষণা কৰিছে । সমান্তৰালকৈ মল্লযোদ্ধা বজৰং পুনিয়াই তেওঁৰ পদ্মশ্ৰী বঁটা ঘূৰাই দিয়াৰ কথা ঘোষণা কৰিছে ।
ইয়াৰ মাজতে কংগ্ৰেছৰ সাধাৰণ সম্পাদক প্ৰিয়ংকা গান্ধী ভাদ্ৰাই অলিম্পিয়ান মল্লযোদ্ধা সাক্ষী মালিকক সাক্ষাৎ কৰে আৰু তেওঁৰ সৈতে একাত্মতা প্ৰকাশ কৰে । লগতে প্ৰিয়ংকা গান্ধীয়ে ন্যায়ৰ বাবে তেওঁৰ যুঁজত সকলো ধৰণৰ সমৰ্থন আগবঢ়োৱাৰো আশ্বাস দিয়ে । শুকুৰবাৰে প্ৰিয়ংকা গান্ধী সাক্ষী মালিকৰ বাসগৃহত উপস্থিত হয় আৰু তেওঁৰ লগতে আন মল্লযোদ্ধাসকলকো সাক্ষাৎ কৰে ।
-
#WATCH | Wrestlers Sakshi Malik and Bajrang Punia met Congress leader Priyanka Gandhi Vadra today in Delhi.
— ANI (@ANI) December 22, 2023 " class="align-text-top noRightClick twitterSection" data="
(Source: Priyanka Gandhi's office) pic.twitter.com/ooDGzse0ZX
">#WATCH | Wrestlers Sakshi Malik and Bajrang Punia met Congress leader Priyanka Gandhi Vadra today in Delhi.
— ANI (@ANI) December 22, 2023
(Source: Priyanka Gandhi's office) pic.twitter.com/ooDGzse0ZX#WATCH | Wrestlers Sakshi Malik and Bajrang Punia met Congress leader Priyanka Gandhi Vadra today in Delhi.
— ANI (@ANI) December 22, 2023
(Source: Priyanka Gandhi's office) pic.twitter.com/ooDGzse0ZX
মল্লযোদ্ধাসকলক সাক্ষাতৰ পাছতে প্ৰিয়ংকা গান্ধীয়ে কয় যে সমগ্ৰ বিশ্বতে গৌৰৱ কঢ়িয়াই অনা মহিলা খেলুৱৈসকলে বিজেপি সাংসদ তথা পূৰ্বে ডব্লিউএফআইৰ সভাপতি ব্ৰীজ ভূষণ শৰণ সিঙৰ বিৰুদ্ধে যৌন নিৰ্যাতনৰ অভিযোগ উত্থাপন কৰিছিল । কিন্তু বিজেপি চৰকাৰে তেওঁলোকৰ বিৰুদ্ধে কোনো ব্যৱস্থা গ্ৰহণ নকৰিলে আৰু ইয়াৰ বিপৰীতে ভুক্তভোগীসকলক বিভিন্ন ধৰণে অত্যাচাৰ কৰে । প্ৰিয়ংকা গান্ধীৰ মতে বিজেপি এতিয়াও অভিযুক্তৰ কাষত আছে আৰু তেওঁক সকলো ধৰণে সমৰ্থন কৰিছে । দেশৰ মহিলাসকলে এই অত্যাচাৰ দেখিছে বুলি প্ৰিয়ংকা গান্ধীয়ে উদ্বেগ প্ৰকাশ কৰে ।
প্ৰিয়ংকা গান্ধীৰ মতে বজৰং পুনিয়া আৰু সাক্ষী মালিকৰ দৰে খেলুৱৈৰ অপমান কেৱল তেওঁলোকৰ অপমান নহয়, সমগ্ৰ দেশৰ অপমান । বিশ্বত ভাৰতৰ সন্মান বৃদ্ধি কৰা খেলুৱৈসকলে তেওঁলোকৰ নিজৰ চৰকাৰৰ সন্মুখত অসহায় হৈ পৰাটো লজ্জাজনক বুলিও তেওঁ উল্লেখ কৰে । প্ৰিয়ংকা গান্ধীয়ে দাবী কৰা মতে প্ৰধানমন্ত্ৰীয়ে অন্ততঃ এই ক্ষেত্ৰত নিজৰ অহংকাৰ ত্যাগ কৰিব লাগিছিল আৰু দেশক গৌৰৱান্বিত কৰা খেলুৱৈসকলক ন্যায়ৰ আশ্বাস দিব লাগিছিল ।
উল্লেখ্য যে ব্ৰীজ ভূষণ শৰণ সিঙৰ শিবিৰৰ সঞ্জয় সিঙক ডব্লিউএফআইৰ সভাপতি হিচাপে নিযুক্তি দিয়াৰ পাছতে শুকুৰবাৰে সন্ধিয়া বজৰং পুনিয়াই পদ্মশ্ৰী বঁটা ঘূৰাই দিবলৈ প্ৰধানমন্ত্ৰীৰ বাসগৃহলৈ যায় । য'ত তেওঁক দিল্লী আৰক্ষীয়ে বাধা দিয়ে । পুনিয়াই প্ৰতিবাদস্বৰূপে পদ্মশ্ৰী বঁটা পদপথত ৰাখে আৰু তাৰ পৰা উভতি যায় ।
লগতে পঢ়ক :মল্লযোদ্ধা বজৰং পুনিয়াই ঘূৰাই দিলে পদ্মশ্ৰী বঁটা; প্ৰধানমন্ত্ৰীলৈ বেদনা গধুৰ পত্ৰ
