নিউজ ডেস্ক, ২৫মে': ছয় বাৰৰ বিশ্ব চেম্পিয়ন ভাৰতীয় বক্সাৰ মেৰী কমে ইণ্ডিয়া অ'পেনৰ ৫১ কে.জি. শাখাত চেম্পিয়নৰ খিতাপ দখল কৰিবলৈ সক্ষম হৈছে। শুকুৰবাৰে অনুষ্ঠিত দ্বিতীয় ইণ্ডিয়া অ'পেন বক্সিং টুৰ্ণামেন্টত কৰ্মবীৰ নবীন চন্দ্ৰ বৰদলৈ ইণ্ডোৰ ষ্টেডিয়ামত ভাৰতীয় বক্সাৰ গৰাকীয়ে স্বৰ্ণ দখল কৰে। লণ্ডন অলিম্পিকৰ ব্ৰঞ্জ মেডেলিষ্ট গৰাকীয়ে চূড়ান্ত মেচত ভানলাল ডুৱাটিক ৫-০ ছেটত পৰাস্ত কৰিবলৈ সক্ষম হয়। ইণ্ডিয়া অ'পেন টুৰ্ণামেন্টত মেৰী কমে ইয়াৰ পূৰ্বে ৪৮ কে.জি. শাখাত স্বৰ্ণ জয় কৰিছিল। তেওঁৰ উপৰি এল সৰিতা দেৱীয়েও ভাৰতৰে ছিমৰণজিত কৌৰক পৰাস্ত কৰি স্বৰ্ণ দখল কৰে।
