খেলো ইণ্ডিয়াঃ ভাৰত্তোলনত ব্ৰঞ্জ আজুৰিলে অসমৰ চিত্ৰাপ্ৰভাই

গুৱাহাটীত চলি থকা খেলো ইণ্ডিয়া ইউথ গেমছত পুনৰ পদক লাভ কৰিলে অসমে ৷ ছোৱালীৰ অনুৰ্ধ 17 শাখাৰ ভাৰত্তোলনত ব্ৰঞ্জৰ পদক লাভ কৰে অসমৰ চিত্ৰাপ্ৰভা চেতিয়াই ৷

স্পৰ্টছ ডেস্ক, 16 জানুৱাৰীঃ খেলো ইণ্ডিয়াত পুনৰ পদক লাভ কৰিলে অসমে ৷ এইবাৰ ভাৰত্তোলনত ছোৱালীৰ অনুৰ্ধ 17 বছৰত 40 কিলোগ্ৰাম শাখাত পদক লাভ কৰে অসমে ৷ অসমৰ হৈ পদক লাভ কৰে চিত্ৰাপ্ৰভা চেতিয়াই ৷ চেতিয়াৰ এই সাফল্যত উৎফুল্লিত হৈ পৰিছে অসমৰ ক্ৰীড়াপ্ৰেমী ৷

সোণৰ পদক অৰ্জনকাৰী সুনীল দালভি

ৰূপৰ পদক অৰ্জনকাৰী আৰতি ৰাঘবেন্দ্ৰ

ব্ৰঞ্জৰ পদক অৰ্জনকাৰী চিত্ৰাপ্ৰভা চেতিয়া

বিজয়ীসকলৰ সৈতে হাজোৰ বিধায়িকা সুমন হৰিপ্ৰিয়া

আনহাতে, এই শাখাত সোণৰ পদক লাভ কৰে মহাৰাষ্ট্ৰৰ সুনীল দালভিয়ে আৰু ৰূপৰ পদক লাভ কৰে আৰতি ৰাঘবেন্দ্ৰই ৷ বৃহস্পতিবাৰে অনুষ্ঠিত হোৱা চূড়ান্ত খেলৰ পিচতে বিজয়ীসকলক পদক বিতৰণ কৰে হাজোৰ বিধায়িকা সুমন হৰিপ্ৰিয়াই ৷