স্পৰ্টছ ডেস্ক, 30 আগষ্টঃ ব্ৰাজিলত অনুষ্ঠিত হোৱা শ্বুটিং বিশ্বকাপৰ 10 মিটাৰ এয়াৰ পিষ্টল শাখাত ভাৰতৰ সুন্দৰ প্ৰদৰ্শন ৷ অভিষেক বাৰ্মাই সোণৰ পদক লাভ কৰাৰ বিপৰীতে ব্ৰঞ্জৰ পদক লাভ কৰে সৌৰভ চৌধুৰীয়ে ৷ পুৰুষৰ 10 মিটাৰ এয়াৰ পিষ্টল শাখাত অভিষেক বাৰ্মাই 244.2 পইণ্ট লাভ কৰাৰ বিপৰীতে 221.9 পইণ্ট লাভ কৰে সৌৰভে ৷ আনহাতে 234.1 পইণ্ট লাভৰে ৰূপৰ পদক অৰ্জন কৰিবলৈ সক্ষম হয় ইছমাইলে ৷ ইয়াৰ লগে-লগেই অলিম্পিক কোটাত প্ৰৱেশ কৰে দুই ভাৰতীয় খেলুৱৈয়ে ৷ কোৱালিফিকেশ্যন ৰাউণ্ডত সৌৰভে 584 পইণ্ট লাভ কৰাৰ বিপৰীতে অভিষেকে লাভ কৰিবলৈ সক্ষম হৈছিল 582 পইণ্ট ৷
ভাৰতৰ অভিষক আৰু সৌৰভৰ সুন্দৰ প্ৰদৰ্শনৰ ফলতেই ৰিঅ’ত অনুষ্ঠিত হোৱা শ্বুটিং বিশ্বকাপৰ তালিকাত প্ৰথম স্থান দখল কৰিবলৈ সক্ষম হৈছে ৷
