দলগাঁও, 12 ছেপ্তেম্বৰঃ আজি স্ব-গৃহত আহি উপস্থিত হ’ল নেপালত অসম তথা ভাৰতৰ সুনাম কঢ়িয়াই অনা হাজেৰা খাতুন ৷ নেপালৰ কাঠমাণ্ডুত অনুষ্ঠিত হোৱা আন্তৰ্জাতিক কুংফু চেম্পিয়নশ্বিপত ব্ৰঞ্জৰ পদক লাভ কৰিবলৈ সক্ষম হৈছিল দলগাঁৱৰ প্ৰতিভাৱান খেলুৱৈগৰাকীয়ে ৷ দলগাঁৱৰ কস্তৰবা গান্ধী বালিকা বিদ্যালয়ৰ অষ্টম মান শ্ৰেণীৰ ছাত্ৰী হাজেৰা খাতুন ৷
বৃহস্পতিবাৰে নেপালৰ পৰা পোনে পোনে নিজ বিদ্যালয়ত উপস্থিত হোৱাত বিদ্যালয়ৰ ছাত্ৰী সকলৰ লগতে শিক্ষয়িত্ৰী সকলে উষ্ম আদৰণি জনায় খেলুৱৈগৰাকীক ৷
স্ব-গৃহত উপস্থিত ব্ৰঞ্জৰ পদক বিজয়ী হাজেৰা খাতুন
অতি দৰিদ্ৰ পৰিয়ালৰ খেলুৱৈগৰাকীৰ ঘৰ হৈছে দৰঙৰ দলগাঁও সমষ্টিৰ এখন ভিতৰুৱা গাঁৱৰ বৰকূৰ চৰত ৷ যোৱা ৬, ৭, আৰু ৮ ছেপ্তেম্বৰত নেপালত অনুষ্ঠিত হোৱা কুংফু চেম্পিয়নশ্বিপৰ ৩৫-৪০ কেজিৰ শাখাত অংশগ্ৰহণ কৰি এই সাফল্য লাভ কৰিবলৈ সক্ষম হৈছিল খেলুৱৈগৰাকীয়ে ৷
