গোৱালপাৰা, 6 মেঃ উত্তৰ প্ৰদেশত অনুষ্ঠিত হোৱা "২য় আন্তঃৰাষ্ট্ৰীয় কাৰাটে চেম্পিয়নশ্বিপ ২০১৯" শীৰ্ষক ক্ৰীড়া প্ৰতিযোগিতাত সোণৰ পদক অৰ্জনেৰে ৰাজ্যবাসীলৈ গৌৰৱ কঢ়িয়াই আনিবলৈ সক্ষম হোৱা গোৱালপাৰাৰ 3 যুৱ খেলুৱৈক কৃষ্ণাইত উষ্ম আদৰণি জনায় ৷
আৰু পঢ়ক মুম্বাই ইণ্ডিয়ানচ বনাম কলকাতা নাইট ৰাইডাৰ্ছৰ খেল চোৱাৰ পিছতে মালিংগাক প্ৰশংসা কৰে মাহেলা জয়াবৰ্ধনে
উত্তৰ প্ৰদেশৰ পৰা কৃষ্ণাইত আহি উপস্থিত হোৱা 3 খেলুৱৈ ক্ৰমে ইনামূল হক (শাকোমুৰি),হামিদুল ৰহমান(ভেল্টাৰঘাট) আৰু ছাইদুৰ ৰহমান ছাইদ (বোল্লা)ক গোৱালপাৰা জিলা আমছু,কৃষ্ণাই আঞ্চলিক আমছু,হালোৱা সংগ্ৰাম সমিতি আৰু কৃষ্ণাই মাদ্ৰাছা উচ্চত্তৰ মাধ্যমিক বিদ্যালয়ে আনুষ্ঠানিকভাৱে সম্বৰ্ধনা জনায় ৷
উল্লেখ্য যে, কাৰাটে এচ’ছিয়েছন অব ইণ্ডিয়া (কাই)ৰ দ্বাৰা অনুমোদিত সংস্থা "অল ভাৰত চোটোকান কাৰাটে-ডু ফেডাৰেচ’ন"ৰ উদ্যোগত তথা ভাৰত চৰকাৰৰ যুৱ আৰু ক্ৰীড়া মন্ত্ৰণালয়ৰ তত্বাৱধানত উত্তৰ প্ৰদেশৰ চাহাৰানপুৰত ২৬ এপ্ৰিলৰ পৰা তিনিদিনীয়া কাৰ্যসূচীৰে অনুষ্ঠিত প্ৰতিযোগিতাখনিত ইনামূল হকে ৪৯ কিলোঃ শাখাত,হামিদুল ৰহমানে ৫৪ কিলোঃ শাখাত আৰু ছাইদুৰ ৰহমান ছাইদে ৬৭ কিনোঃ শাখাত সোণৰ পদক আঁজুৰি আনি গোৱালপাৰা কৃষ্ণাইৰ লগতে ৰাজ্যবাসীলৈ গৌৰৱ কঢ়িয়াই আনিবলৈ সক্ষম হৈছে ৷
