স্পৰ্টছ ডেস্ক, ৭ মাৰ্চঃ আই এছ এলৰ পঞ্চম সংস্কৰণৰ প্ৰথমখন ছেমিফাইনেলত জয় লাভ কৰিলে নৰ্থ ইষ্ট ইউনাইটেড এফ চি য়ে । বেংগালুৰু এফ চি বিৰুদ্ধে ২-১ গলত জয় লাভ নৰ্থ ইষ্ট ইউনাইটেডৰ ।
এই জয়ৰে আই এছ এলৰ ইতিহাসত প্ৰথমবাৰৰ বাবে ফাইনেলত প্ৰৱেশৰ ক্ষেত্ৰত এখোজ অগ্ৰগতি ল'বলৈ সক্ষম হৈছে নৰ্থ ইষ্ট দলটো । গুৱাহাটীৰ সৰুসজাই ষ্টেডিয়ামত অনুষ্ঠিত শ্বাসৰুদ্ধকাৰী মেচখনত অন্তিমটো সময়ত জুৱান ক্ৰুজ মাচিয়াই কৰা গলটোৱে ব্যৱধান হৈ পৰে নৰ্থ ইষ্ট আৰু বেংগালুৰু দলটোৰ জয়ৰ মাজত । মেচখনৰ আৰম্ভণি পৰাই নৰ্থ ইষ্টে সুন্দৰ খেলৰ প্ৰদৰ্শন কৰিছিল । ৰিডিম টিলাঙে মেচখনৰ ২০ মিনিটত প্ৰথমটো গলি কৰি ১-০ ৰ অগ্ৰগতি দিবলৈ সক্ষম হৈছিল নৰ্থ ইষ্টক । ইপিনে ৮২ মিনিটত বেংগালুৰু দলটোৱে এটা গল কৰি ১-১ৰ সমতা স্থাপন কৰিবলৈ সক্ষম হৈছিল যদিও ৯৫ মিনিটত লাভ কৰা পেনাল্টীক গলত পৰিণত কৰি বিজয় সাব্যস্ত কৰিবলৈ সক্ষম হয় নৰ্থ ইষ্ট ইউনাইটেডে ।
