নিউজ ডেস্ক, ১১ মে': কোপে দ্য ফ্ৰান্সৰ ফাইনেলত পৰাজয়ৰ পাছত এগৰাকী অনুৰাগীক ঘুচিওৱাৰ অভিযোগত পেৰিছ চেইন্ট জাৰ্মান ফুটবল ক্লাবৰ ফৰৱাৰ্ড নেইমাৰক তিনিখন ঘৰুৱা মেচৰ লগতে আন দুখন মেচৰ নিষেধাজ্ঞা আৰোপ কৰা হৈছে । শুকুৰবাৰে ফ্ৰেন্স ফুটবল ফেডাৰেশ্বনে এই নিষেধাজ্ঞাৰ কথা ঘোষণা কৰে । ইয়াৰ পাছতে চেইন্ট জাৰ্মান ফুটবল ক্লাবৰ পৰা জানিবলৈ দিয়া অনুসৰি তেওঁলোকে এই নিষেধাজ্ঞাৰ বিৰুদ্ধে ফেডাৰেশ্বনৰ উচ্চ পৰ্যায়ৰ কমিটিক আহ্বান জনাব ।
ক্লাবটোৱে দিয়া বিবৃতিৰ মতে, এই শাস্তি অতিশয় কঠোৰ, সেয়েহে এই সিদ্ধান্তৰ বিৰুদ্ধে ফ্ৰেন্স ফুটবল ফেডাৰেশ্বনৰ উচ্চপৰ্যায়ৰ কমিটিক আহ্বান জনাব ক্লাব আৰু ব্ৰাজিলৰ জাতীয় ফুটবল দলৰ খেলুৱৈ নেইমাৰে ।
