স্পৰ্টছ ডেস্ক,17 ডিচেম্বৰ : নৰ্থ ইষ্ট ইউনাইটেড এফ চি আৰু বাংগালুৰু এফ চিৰ মাজত বুধবাৰে অনুষ্ঠিত হ'ব আই এছ এলৰ এখন গুৰুত্বপূৰ্ণ মেচ ৷ নাগৰিকত্ব সংশোধনী আইনৰ বিৰুদ্ধে সমগ্ৰ অসমতে ব্যাপক প্ৰতিবাদ হৈ থকাৰ সময়তে ফুটবল অনুৰাগীৰ বাবে মুকলি কৰা হৈছে ষ্টেডিয়ামখন ৷
প্ৰকাশ পোৱা বিবৃতি অনুসৰি,"আই এছ এলৰ 40 সংখ্যক মেচখন গুৱাহাটীত অনুষ্ঠিত হ'ব আৰু দৰ্শকৰ বাবে ষ্টেডিয়াম মুকলি কৰি দিয়া হৈছে ৷ আনহাতে, 4 বজাৰ পৰা ষ্টেডিয়ামৰ গেট মুকলি কৰা হ'ব ৷"
নাগৰিকত্ব সংশোধনী আইনৰ বিৰুদ্ধে প্ৰতিবাদ হৈ থকাৰ ফলত দৰ্শকৰ অবিহনে মেচখন অনুষ্ঠিত হ'ব বুলি সোমবাৰে জানিবলৈ দিছিল Football Sports Development Limited য়ে ৷ উল্লেখ্য যে,ইয়াৰ পূৰ্বে অসমত হিংসাত্মক পৰিস্থিতি সৃষ্টি হোৱাৰ ফলত 12 ডিচেম্বৰত চেন্নাইয়ান এফ চিৰ সৈতে নৰ্থ ইষ্ট ইউনাইটেডৰ মেচ পিছুৱাই দিয়া হৈছিল ৷
আৰু পঢ়ক : বুধবাৰেও বন্ধ থাকিব ৰাজ্যত ইণ্টাৰনেট সেৱা
