নিউজ ডেস্ক, 18 এপ্ৰিল: IPL 2023 ৰ এখন গুৰুত্বপূৰ্ণ খেলত মঙলবাৰে SRH ক 14 ৰাণত পৰাস্ত কৰে MIয়ে ৷ নিৰ্ধাৰিত 20 অভাৰত MI য়ে বান্ধি দিয়া 193 ৰাণৰ লক্ষ্য অনুসৰণ কৰি 19.5 অভাৰত 178 ৰাণত অল আউট হয় SRH দল ৷ মায়াংক আগৰৱালে 48, অধিনায়ক মাৰ্ক্ৰামে 22 আৰু হেইনৰিচে 36 ৰাণ কৰে যদিও দলটোৱে বিজয় সাব্যস্ত কৰিবলৈ সক্ষম নহয় ৷ এই বিজয়েৰে পইন্ট তালিকাত অষ্টমৰ পৰা ষষ্ঠ স্থানলৈ উন্নীত হয় MI (MI beats SRH) ৷
টচত জিকি প্ৰথমে বলিঙৰ সিদ্ধান্ত গ্ৰহণ কৰে SRH য়ে ৷ SRH ক জয়ৰ বাবে 193 ৰাণৰ লক্ষ্য বান্ধি দিলে MI য়ে ৷ প্ৰথমে বেটিং কৰি দলটোৱে নিৰ্ধাৰিত 20 অভাৰত 192 ৰাণ সংগ্ৰহ কৰে ৷ অপেনাৰ ৰোহিত শৰ্মাই 28 আৰু ঈশান কিষাণে 34 ৰাণেৰে সুন্দৰ আৰম্ভণি কৰে ৷ 40 টা বলত 64 ৰাণ কৰি অপৰাজিত হৈ ৰয় গ্ৰীণ ৷ তিলক বাৰ্মায়ো 17 টা বলত 4 টা অভাৰ বাউণ্ডেৰী কোবাই 37 ৰাণ সংগ্ৰহ কৰে (MI Vs SRH live updates) ৷
বৰ্তমানলৈকে দুয়োটা দলেই চাৰিখনকৈ খেল খেলিছে আৰু দুখনত জয়লাভ কৰাৰ বিপৰীতে দুখনকৈ মেচত পৰাস্ত হৈছে ৷ পইন্ট তালিকাত অৱশ্যে SRH ত কৈ ওপৰত আছে MI ৷ 4 পইন্টেৰে MI অষ্টম স্থানত আৰু 4 পইন্টেৰে SRH নৱম স্থানত আছে ৷ 8 পইন্টেৰে RR তালিকাৰ শীৰ্ষত থকাৰ বিপৰীতে পইন্ট শূন্যভাৱে তালিকাৰ একেবাৰে শেহত আছে DC (Sunrisers Hyderabad vs Mumbai Indians) ৷
MI- ৰোহিত শৰ্মা (C), ঈশান কিষান (Wk), তিলক বৰ্মা, সূৰ্যকুমাৰ যাদৱ, টিম ডেভিদ, কেমেৰন গ্ৰীণ, অৰ্জুন টেণ্ডুলকাৰ, নেহাল ৱাধেৰা, হৃতিক শোকীন, পীয়ুষ চাওলা, জেছন বেহৰেণ্ডৰ্ফ (TATA IPL 2023)
SRH- মায়ংক আগৰৱাল, হেৰী ব্ৰুক, ৰাহুল ত্ৰিপাঠী, আইডেন মাৰ্কৰাম (C), হাইনৰিচ ক্লাচেন (Wk), অভিষেক শৰ্মা, ৱাশ্বিংটন সুন্দৰ, মাৰ্কো জান্সেন, ভুৱনেশ্বৰ কুমাৰ, মায়ংক মাৰ্কাণ্ডে, টি নটৰাজন (MI Vs SRH match)
আজিৰ খেলখন অনুষ্ঠিত হৈছে হায়দৰাবাদৰ ৰাজীৱ গান্ধী আন্তঃৰাষ্ট্ৰীয় ক্ৰিকেট ষ্টেডিয়ামত ৷ এইখন খেলপথাৰ হৈছে SRH ৰ ঘৰুৱা খেলপথাৰ ৷ ইয়াৰ আগৰখন খেলত SRH দলে KKR ক 23 ৰাণত পৰাস্ত কৰিছিল ৷ সেই খেলখনৰ মূল নায়ক আছিল হেৰী ব্ৰুক ৷ KKR ৰ বিৰুদ্ধে খেলখনত IPL 2023 ৰ প্ৰথমটো শতক অৰ্জন কৰিছিল ব্ৰুকে ৷ তাৰ আগলৈকে কোনো খেলুৱৈয়ে এইবাৰৰ IPL ত শতক অৰ্জন কৰা নাছিল ৷ আনহাতে, পঞ্জাৱৰ বিৰুদ্ধে হোৱা খেলখনতো SRH দল জয়ী হ’বলৈ সক্ষম হৈছিল ৷ মাংক মাৰ্কাণ্ডেয়ে সেইখন খেলত 4 টা উইকেট দখল কৰিছিল ৷ মুঠ 4 খন খেল খেলি 2 খনত জয়ী হৈছে SRH (IPL 2023 point table) ৷
আনহাতে, বৰ্তমানলৈকে এখনো খেলত জিকিবলৈ সক্ষম নোহোৱা DC ৰ বিৰুদ্ধে এই শৃংখলাৰ প্ৰথমখন খেলত জয়ী হোৱাৰ পিচত KKR ৰ বিৰুদ্ধেও জয়ী হ’বলৈ সক্ষম হয় MI ৷ 16 এপ্ৰিলৰ খেলখনত KKR ৰ বিৰুদ্ধে 5 ৰাণত জয়লাভ কৰে MI য়ে ৷ বৰ্তমান পইন্টেৰে তালিকাৰ অষ্টম স্থানত আছে MI (IPL 2023 SRH Vs MI match) ৷
লগতে পঢ়ক: RCB Vs CSK match: এখন হাই ভল্টেজ মেচত CSK ৰ হাতত 8 ৰাণত পৰাস্ত RCB
