স্প’ৰ্টচ ডেস্ক,17 এপ্ৰিল: আইপিএল 2021 সংস্কৰণৰ নৱম মেচখনত শনিবাৰে ছানৰাইজাৰ্ছ হায়দৰাবাদৰ মুখামুখি হ’ব ডিফেণ্ডিং চেম্পিয়ন মুম্বাই ইণ্ডিয়ানছ ৷ চেন্নাইৰ এম এ চিদাম্বৰম ষ্টেডিয়ামত হ’ব লগা মেচখনত তীব্ৰ প্ৰতিদ্বন্দ্বিতাৰে জয়ী হোৱাৰ চেষ্টা চলাব হায়দৰাবাদে ৷ প্ৰতিযোগিতাখনত দুখনকৈ মেচ খেলি এতিয়ালৈকে এখন মেচতো সফলতাৰ মুখ দেখিবলৈ সক্ষম হোৱা নাই ডেভিড ৱাৰ্ণাৰৰ নেতৃত্বাধীন দলটো ৷
আনহাতে, প্ৰতিযোগিতাৰ প্ৰথমখন মেচত পৰাজয় বৰণ কৰি দ্বিতীয় মেচত জয়ী হৈ আত্মবিশ্বাসী হৈ আছে ৰোহিত শৰ্মা নেতৃত্বাধীন মুম্বাই ইণ্ডিয়ানছৰ খেলুৱৈসকল ৷ উল্লেখ্য যে, শুকুৰবাৰে অনুষ্ঠিত হোৱা মেচখনত পঞ্জাৱক হৰুৱাই চেন্নাই চুপাৰ কিংছে প্ৰথমটো বিজয় সাব্যস্ত কৰে ৷
লগতে পঢ়ক: বাক্সাত বনৰীয়া মেথোনৰ
