নিউজ ডেস্ক, 14 মে': টাটা আই পি এল 2023 ৰ 61 সংখ্যক মেচখনত দেওবাৰে চেন্নাইৰ এম এ চিদাম্বৰম ষ্টেডিয়ামত কলকাতা নাইট ৰাইডাৰ্ছ মুখামুখি হয় চেন্নাই ছুপাৰ কিংছৰ । ঘৰুৱা গ্ৰাউণ্ডত কলকাতাৰ হাতত 6 উইকেটত পৰাস্ত হয় চেন্নাই । ধোনী বাহিনীয়ে নিৰ্ধাৰণ কৰি দিয়া 145 ৰাণৰ লক্ষ্য 18.3 অভাৰত চাৰি উইকেট হেৱুৰাই অতিক্ৰম কৰে কলকাতা নাইট ৰাইডাৰ্ছে ।
এই মেচখন দুয়োটা দলৰ বাবে প্লে অফত প্ৰৱেশৰ বাবে অতি গুৰুত্বপূৰ্ণ আছিল । আজিৰ খেলখনত যদি চেন্নাই ছুপাৰ কিংছে কলকাতা নাইট ৰাইডাৰ্ছক পৰাস্ত কৰিব পাৰিলে হেতেন, তেন্তে টাটা আই পি এল 2023 ৰ প্লে অফত প্ৰৱেশ কৰা প্ৰথমটো দল হিচাপে পৰিগণিত হ’ল হেতেন চেন্নাই । কিন্তু চেন্নাইৰ আশা পূৰণ নহল ।
কলকাতাৰ অধিনায়ক নীতিশ ৰাণা আৰু ৰিংকু সিঙৰ সুন্দৰ বেটিং প্ৰদৰ্শনে কলকাতাক জয়ী হোৱাত সহায় কৰে । ৰাণাই 44 টা বলত 57 আৰু ৰিংকু সিঙে 43 টা বলত 54 ৰাণ কৰে । চেন্নাইৰ দীপৰ চহৰে তিনিটা উইকেট দখল কৰে (Tata IPL 2023 61st match) ।
ইয়াৰ পূৰ্বে টচত জিকি প্ৰথমে বেটিং কৰাৰ সিদ্ধান্ত গ্ৰহণ কৰে চেন্নাই ছুপাৰ কিংছে । নিৰ্ধাৰিত 20 অভাৰত 6 উইকেট হেৰুৱাই 144 ৰাণ সংগ্ৰহ কৰে চেন্নাই ছুপাৰ কিংছে । ডেভিদ কনৱেয়ে 30, শিৱম ডুবেয়ে 48 আৰু ৰবীন্দ্ৰ জাডেজাই 20 ৰাণ সংগ্ৰহ । কলকাতা নাইট ৰাইডাৰ্ছৰ বৰুণ চক্ৰৱৰ্তীয়ে 2 টা আৰু সুনীল নাৰিনে 2 টা উইকেট দখল কৰে ।
চেন্নাই ছুপাৰ কিংছ (প্লেয়িং একাদশ): ঋতুৰাজ গাইকোৱাড, ডেভন কনৱে, অজিংক্য ৰাহানে, আম্বতি ৰায়ুডু, শিৱম ডুবে, মইন আলী, ৰবীন্দ্ৰ জাদেজা, এম এছ ধোনি (C/W), দীপক চহৰ, তুষাৰ দেশপাণ্ডে, মহেশ থিকচানা (Chennai Super Kings vs Kolkata Knight Riders)
বিকল্প ইমপেক্ট খেলুৱৈ : মথিছা পাথিৰানা, নিশান্ত সিন্ধু, সুব্ৰংশু সেনাপতি, শইক ৰছিদ, আকাশ সিং
কলকাতা নাইট ৰাইডাৰ্ছ (প্লেয়িং একাদশ): ৰহমানুল্লাহ গুৰবাজ (W), জেছন ৰয়, নীতিশ ৰানা (C), আন্দ্ৰে ৰাছেল, ৰিংকু সিং, শ্বাৰ্দুল ঠাকুৰ, সুনীল নাৰিনে, বৈভৱ অৰোৰা, হৰ্ষিত ৰানা, সুৱাশ শৰ্মা, বৰুণ চক্ৰৱৰ্তী (Chennai Super Kings vs Kolkata Knight Riders)
বিকল্প ইমপেক্ট খেলুৱৈ : ভেংকটেশ আয়াৰ, অনুকুল ৰয়, এন জগদীচন, উমেশ যাদৱ, লকি ফাৰ্গুচন
লগতে পঢ়ক: TATA IPL 2023 : আৰ চি বিৰ বৃহৎ জয়; 59 ৰাণতে অল আউট ৰাজস্থান
