স্পৰ্টছ ডেস্ক, 7 নৱেম্বৰ : আইপিএলৰ 13 সংখ্যক ছিজনৰ পৰা ৰয়েল চেলেঞ্জাৰ্ছ বেংগালুৰ বাহিৰ হোৱাৰ পাচত অনুৰাগীলৈ আৱেগিক নোট প্ৰেৰণ কৰিছে অধিনায়ক বিৰাট কোহলীয়ে ৷ নোটত তেওঁ অনুৰাগীৰ মৰম আৰু সমৰ্থনৰ বাবে ধন্যবাদ জ্ঞাপন কৰে ৷
শুকুৰবাৰে দ্বিতীয় কোৱালিফায়াৰত ৰয়েল চেলেঞ্জাৰ্ছক ছয় উইকেটত পৰাস্ত কৰে ছানৰাইজাৰ্ছ হায়দৰাবাদে ৷ এই জয়েৰে বেংগালুৰে ফাইনেলত প্ৰৱেশৰ আশা সজীৱ কৰি ৰাখিছে ৷
- " class="align-text-top noRightClick twitterSection" data="
">
বেংগালুৰ দলে পৰাস্ত হ'লেও অধিনায়ক বিৰাট কোহলীয়ে কয় যে, তেওঁ নিজ দলক লৈ গৌৰৱান্বিত ৷
কোহলীয়ে ইনষ্টাগ্ৰামৰ জৰিয়তে কয়, "জয়-পৰাজয় সকলোতে আমি একেলগে থিয় দিম ৷ এটা দল হিচাপে এয়া আমাৰ এক বৃহৎ যাত্ৰা ৷ ফলাফল আমি বিচৰা দৰে নহ'ল যদিও সমগ্ৰ দলটোক লৈ মই গৌৰৱান্বিত ৷ সকলোৰে সমৰ্থনৰ বাবে ধন্যবাদ জ্ঞাপন কৰিলো ৷ সকলোৰে মৰমৰ বাবে আমি শক্তিশালী ৷ পুনৰ লগ পাম ৷ #PlayBold @RCBTweets"
দেওবাৰে দ্বিতীয় কোৱালিফায়াৰত হায়দৰাবাদৰ মুখামুখি হ'ব দিল্লী কেপিটেলছ ৷ এই মেচৰ জয়ী দলে মুম্বাই ইণ্ডিয়ানছৰ বিৰুদ্ধে ফাইনেলত অৱতীৰ্ণ হ'ব ৷
ছিজনত ভাল প্ৰদৰ্শন কৰাৰ লগতে পইন্ট তালিকাৰ চতুৰ্থ স্থানত থাকিলেও এলিমিনেটৰত পৰাস্ত হৈ আইপিএলৰ পৰা বাহিৰ হ'বলগা হ'ল বেংগালুৰ ৷
লগতে পঢ়ক : আঘাত স্বত্বেও বিশ্বকাপ কোৱালিফায়িংলৈ নেইমাৰ
