স্পৰ্টছ ডেস্ক, 28 ফেব্ৰুৱাৰীঃ ধোনীক লৈ শেহতীয়াকৈ মন্তব্য কৰিলে ভাৰতৰ প্ৰাক্তন অধিনায়ক কপিল দেৱে ৷ কপিল দেৱে কয়, যদিহে ধোনীয়ে আগন্তুক টি-20 বিশ্বকাপত অংশগ্ৰহণ কৰাৰ কথা চিন্তা কৰিছে, তেন্তে কেৱল আইপিএলয়ে নহয় অন্যান্য আন্তঃৰাষ্ট্ৰীয় মেচো খেলা নিতান্তই প্ৰয়োজন ৷ লগতে প্ৰাক্তন খেলুৱৈগৰাকীয়ে কয়, প্ৰত্যেক জন খেলুৱৈৰ বাবে বেলেগ-বেলগে নীতি-নিয়ম হ’ব নালাগে ৷ সকলো খেলুৱৈৰ বাবে মানদণ্ড একেই হোৱা উচিত ৷
ইয়াৰ ওপৰি ভাৰতীয় দলত নিয়মিত অংশগ্ৰহণ কৰা খেলুৱৈসকলে যদিহে অত্যাধিক ক্ৰিকেটৰ বোজা অনুভৱ কৰিছে তেন্তে আইপিএল প্ৰত্যাহাৰ কৰিব পাৰে বুলি উল্লেখ কৰে কপিল দেৱে ৷ কাৰণ আইপিএলত দেশক প্ৰতিনিধিত্ব কৰা নহয় গতিকে যেতিয়া দেশৰ বাবে খেলা হয় তেতিয়া নিজৰ সৰ্বশ্ৰেষ্ঠ দিয়াৰ প্ৰয়োজন আছে বুলি উল্লেখ কৰে ৷
আইপিএলত অংশগ্ৰহণৰ বাবে ধোনীয়ে অহা দুই মাৰ্চৰ পৰা অনুশীলনত অৱতীৰ্ণ হ’ব ৷ ইয়াৰ পূৰ্বে ধোনীয়ে অন্তিমবাৰৰ বাবে আন্তঃৰাষ্ট্ৰীয় ক্ৰিকেটত অৱতীৰ্ণ হৈছিল বিশ্বকাপ ছেমিফাইনেলত ৷
