স্পৰ্টছ ডেস্ক, ৩ মে': দিল্লী কেপিটেলছৰ অনুৰাগীৰ বাবে দুখবৰ । আই পি এলৰ প্লে অফৰ গুৰুত্বপূৰ্ণ মেচৰ পূৰ্বেই দলৰ পৰা বাহিৰ হ'ল বেগী বলাৰ কাগিছ ৰাবাডা । আঘাতৰ সন্মুখীন হৈ বিশ্বকাপৰ উদ্দেশ্যে আধাতে আই পি এল ত্য়াগ কৰাৰ সিদ্ধান্ত খেলুৱৈগৰাকীৰ । লক্ষণীয় যে, পিঠিৰ বিষৰ সন্মুখীন হোৱাৰ বাবেই চেন্নাই বিৰুদ্ধে অনুষ্ঠিত মেচত অংশগ্ৰহণ কৰাৰ পৰা বিৰত আছিল ৰাবাডা ।
ৰাবাডাই এই ছীজনত দিল্লীৰ হৈ মুঠ ১২ খন মেচত অৱতীৰ্ণ হৈছিল । য'ত তেওঁ ২৫ টা উইকেট দখলেৰে বৰ্তমান লৈকে পাৰ্পল কেপ অধিকাৰ কৰিবলৈ সক্ষম হৈছে । ৰাবাডাৰ বিধ্বংসী বলিঙৰ ফলতেই ছয়বছৰৰ অন্তত প্লে অফত স্থান লাভ কৰবিলৈ সক্ষম হৈছে দিল্লী দলটো ।
লগতে পঢ়কঃ ফেনীৰ ভয়ানক প্ৰভাৱ পৰিব পাৰে ধুবুৰীত ! দুৰ্যোগ প্ৰসমন বিভাগৰ এলাৰ্ট জাৰি !
ৰাবাডাৰ আধাতে আই পি এলৰ পৰা বাহিৰ হোৱা নিশ্চিত বাবে দলটোৰ বাবে হ'ব এক অপূৰণীয় ক্ষতি । দিল্লীয়ে নিজৰ অন্তিমখন লীগ মেচ অহা ৪ মে'ত ৰাজস্থান ৰয়েলছ বিৰুদ্ধে দিল্লীৰ ফিৰোজ শ্বাহ কোটলাত অৱতীৰ্ণ হ'ব ।
