স্পৰ্টছ ডেস্ক,৫ মে': আন্তঃৰাষ্ট্ৰীয় এদিনীয়া ক্ৰিকেটত বিশ্ব অভিলেখ গঢ়িলে ৱেষ্ট ইণ্ডিজে । এদিনীয়া ক্ৰিকেটত প্ৰথম উইকেটৰ বাবে ৩৬৫ ৰান সংগ্ৰহ কৰি বিশ্ব অভিলেখ গঢ়িলে ৱেষ্ট ইণ্ডিজৰ খেলুৱৈ ছাই হ'প আৰু জন কেম্পবেলে । মেচখনত ছাই হ'পে ১৭০ ৰান কৰাৰ বিপৰীতে কেম্পবলে ১৭৯ ৰান কৰিবলৈ সক্ষম হয় ।
ইয়াৰ পূৰ্বে এই অভিলেখ আছিল পাকিস্তান দলৰ । ২০১৮ চনত জিম্বাৱৱেৰ বিৰুদ্ধে ইমাম উল হক আৰু ফখাৰ জামানে প্ৰথম উইকেটৰ বাবে ৩০৪ ৰান সংগ্ৰহ কৰিবলৈ সক্ষম হৈছিল । ইপিনে ৱেষ্ট ইণ্ডিজৰ হৈ এই অভিলেখ আছিল ষ্টুৱাৰ্ড ৱিলিয়াম আৰু শিৱ নাৰায়ণ চন্দ্ৰপলৰ নামত । দুয়োয়ে প্ৰথম উইকেটৰ বাবে সংগ্ৰহ কৰিছিল ২০০ ৰান ।
