নিউজ ডেস্ক, ৯ মাৰ্চ: ভাৰতীয় দলে শুকুৰবাৰে ৰাঁচীত অনুষ্ঠিত তৃতীয় খন এদিনীয়াত পৰিধান কৰা সামৰিক টুপীক লৈ টুইটাৰৰ জৰিয়তে প্ৰতিক্ৰিয়া ব্যক্ত কৰিছে ভাৰতৰ মাষ্টাৰ ব্লাষ্টাৰ শচীন তেণ্ডুলকাৰে । ভাৰতীয় দলৰ প্ৰাক্তন খেলুৱৈ গৰাকীয়ে বিচিচিআয়ে আপলোড কৰা এটা ভিডিঅ' শ্বেয়াৰ কৰি কয় যে, ভাৰতীয় দলৰ এই পদক্ষেপে তেওঁৰ হৃদয় জিনিবলৈ সক্ষম হৈছে ।
উল্লেখ্য যে, ৰাঁচীত অনুষ্ঠিত মেচখনৰ জৰিয়তে ভাৰতীয় দলে সামৰিক বাহিনীৰ সন্মানাৰ্থে এই টুপী পৰিধান কৰে । ভাৰতীয় দলৰ পূৰ্ব অধিনায়ক ধোনীয়ে প্ৰত্যেকজন খেলুৱৈকে টুপীসমূহ প্ৰদান কৰে ।
