স্পৰ্টছ ডেস্ক, 15 অক্টোবৰ : ২০২৩ চনৰ এদিনীয়া বিশ্বকাপত পাকিস্তানৰ বিৰুদ্ধে টীম ইণ্ডিয়াই জয়লাভ কৰে । পাকিস্তানীৰ প্ৰাক্তন ক্ৰিকেটাৰসকলে নিজৰ দলটোক সমালোচনা কৰিছে যে তেওঁলোকে অন্ততঃ যুঁজ নিদিয়াকৈ হাৰ মানিলে । এই পটভূমিত পাকিস্তানৰ প্ৰাক্তন পেচাৰ ৱাছিম আক্ৰামে অধিনায়ক বাবৰ আজমৰ আচৰণৰ ওপৰত নিজৰ ক্ষোভ প্ৰকাশ কৰে ।
তেওঁ মন্তব্য কৰে যে বাবৰ আজমে বিৰাট কোহলীৰ পৰা জাৰ্চি লোৱাটো উপযুক্ত নহয় । তেওঁ উল্লেখ কৰে যে তাৰ বাবে এইটো উপযুক্ত সময় নহয় । এটা ক্ৰীড়া চেনেলৰ সৈতে হোৱা কথা-বতৰাত আক্ৰামে অসন্তুষ্টি প্ৰকাশ কৰে ।
"বাবৰে কেমেৰাৰ সন্মুখত বিৰাট কোহলীৰ পৰা জাৰ্চি লোৱা উচিত নাছিল । ড্ৰেছিং ৰুমত লোৱা হ'লে ভাল আছিল । আপুনি মোক প্ৰশ্ন কৰিব পাৰে যে মই কিয় এনে মন্তব্য কৰিছোঁ । ছ’চিয়েল মিডিয়াত এনে ফটো দেখিয়েই মন্তব্য দিব লগা হ’ল৷ মেচৰ পিছত তেনেকুৱা কৰা উচিত নাছিল । ককাকে যদি পুত্ৰৰ বাবে কোহলীৰ জাৰ্চি বিচাৰিছিল, তেন্তে ড্ৰেছিং ৰুমত ব্যক্তিগতভাৱে জাৰ্চিটো লৈ যাব লাগিছিল ।
ভাৰতৰ জয়ৰ পিছতে নিজৰ দলৰ প্ৰতি অসন্তুষ্টি প্ৰকাশ কৰে প্ৰাক্তন ক্ৰিকেটাৰ ৰমিজ ৰাজাই । ২০ অভাৰ বাকী থকা অৱস্থাত মেচখন পৰাস্ত হোৱাটোৱে নিশ্চয় বেয়াকৈ আঘাত কৰিছে বুলিও তেওঁ কয় । "যেতিয়া আপুনি জয়ী হ'ব নোৱাৰে তেতিয়া অন্ততঃ যুঁজ দিব লাগে । পাকিস্তানৰ দলে একে কাম কৰিব নোৱাৰিলে । তিনিওটা শাখাতে ভাৰতক পৰাস্ত কৰিব নোৱাৰিলে । ইয়াৰ বাবে পাকিস্তানৰ দলটোৱে কঠোৰ পৰিশ্ৰম কৰিব লাগে । পৰিস্থিতি তেওঁলোকৰ পক্ষত নথকাৰ বাবে তেওঁলোকে পৰাস্ত হৈছিল বুলি কোৱাটো উচিত নহয় । এই মেচখনত তেওঁলোকে কেৱল মানসিকভাৱে ক্ষতিগ্ৰস্ত হোৱাই নহয়, দক্ষতাৰ ক্ষেত্ৰতো দুৰ্ভাগ্যজনকভাৱে বিফল হৈছিল ।’’ এই দৰে সমালোচনা কৰে ৰমীজ ৰাজাই ।
উল্লেখ্য যে, গুজৰাটৰ নৰেন্দ্ৰ মোদী ষ্টেডিয়ামত শনিবাৰে অনুষ্ঠিত ভাৰত আৰু পাকিস্তানৰ মাজৰ খেলখনত টছত জিকি ভাৰতে পাকিস্তানক বেটিঙৰ বাবে আমন্ত্ৰণ জনায় ৷ প্ৰথমে বেটিং কৰা পাক দলটো ভাৰতীয় বলাৰৰ সমুখত দিশহাৰা হৈ পৰে আৰু নিয়মিত গতিত উইকেট হেৰুৱাবলৈ লয় ৷ 42.5 অভাৰত 191 ৰাণ কৰি অল আউট হয় পাক বাহিনী ৷ ইয়াৰ প্ৰত্যুত্তৰত ভাৰতৰ অধিনায়ক ৰোহিত শৰ্মা আৰু শ্ৰেয়াছ আয়াৰৰ বিস্ফোৰক বেটিঙৰ সহায়ত মেন ইন ব্লুৱে অতি সহজেই জয় লাভ কৰিবলৈ সক্ষম হয় ৷
লগতে পঢ়ক : ICC World Cup 2023 : বিশ্বকাপত টাৰ্গেট অনুসৰণৰ ক্ষেত্ৰত সফল বেটছমেনৰ তালিকাৰ শীৰ্ষত ৰোহিত শৰ্মা
