হোজাই ,30 এপ্ৰিল : সদ্য সমাপ্ত প্ৰিমিয়াৰ ক্লাৱ চেম্পিয়নশ্বিপত শ্ৰেষ্ট বেটছমেনৰ খিতাপ জয়ী হোজাইৰ সৌমৌওদীপ দাসক নিজ জিলাত সম্বৰ্ধনা জ্ঞাপন কৰা হয় ৷ হোজাই জিলা ক্ৰিকেট সন্থাৰ সভাপতি শিলাদিত্য দেৱৰ ঘৰত সম্বর্ধনা জনোৱা হয় শ্ৰেষ্ট বেটছমেনৰ খিতাপ জয়ী খেলুৱৈ গৰাকীক ৷
অসম ক্ৰিকেট সংস্থাৰ উদ্যোগত অনুষ্ঠিত অসম প্ৰিমিয়াৰ ক্লাৱ চেম্পিয়নশ্বিপ ক্ৰিকেট খেলৰ চূড়ান্ত খেলখন ১০ এপ্ৰিলত গুৱাহাটী আৰু বৰপেটাৰ মাজত ডিব্ৰুগড়ত অনুষ্ঠিত হৈছিল ৷
প্ৰিমিয়াৰ ক্লাৱ চেম্পিয়নশ্বিপৰ ফাইনেলত মুখ্যমন্ত্ৰী সৰ্বানন্দ সোণোৱালৰ উপস্থিতিত প্ৰিমিয়াৰ ক্লাৱ চেম্পিয়নশ্বিপৰ খেলত শ্ৰেষ্ট বেটছমেন হিচাপে হোজাই টিপ টপ ক্লাৱৰ সৌমৌওদীপ দাসক বাছনি কৰা হৈছিল ।
উল্লেখ্য যে, দাসে ৯ খন খেলত এটা শতক, পাঁচটা অর্ধশতকেৰে শ্ৰেষ্ট বেটছমেনৰ খিতাপ দখল কৰে ৷ হোজাই ক্ৰীড়া সংস্থাৰ সভাপতি গৰাকীয়ে নিজ বাসগৃগত খেলুৱৈসকলক আৰু অধিক উৎসাহিত কৰাৰ লগতে শ্ৰেষ্ট বেটচমেনৰ খিতাপ অৰ্জন কৰা দাসক নগধ ধন, জাপি শৰাইৰে সম্বৰ্ধনা জ্ঞাপন কৰে ৷
লগতে পঢ়ক : ক'ভিড-১৯: ত্ৰিপুৰাত ডাবল মিউটেণ্টৰ দ্বাৰা সংক্ৰমিত লোক চিনাক্ত
