নিউজ ডেস্ক, ২৬ জুন : ক্ৰীড়াপ্ৰেমীয়ে এইবাৰ নীলাৰ পৰিৱৰ্তে কমলা ৰঙৰ জাৰ্ছীত দেখিবলৈ পোৱাৰ পূৰ্ণ সম্ভাৱনা আছে টীম ইণ্ডিয়াক । ইংলেণ্ডৰ বিৰুদ্ধে অনুষ্ঠিত হ'ব লগা বিশ্বকাপৰ এখন মেচত ভাৰতীয় দলটোক এই নতুন জাৰ্ছীত দেখা পোৱা যাব । আইচিচিৰ এক সূত্ৰই জানিবলৈ দিয়া অনুসৰি, বিচিচিআইক বহুকেইটা ৰঙৰ বিকল্প প্ৰদান কৰা হৈছিল আৰু তেওঁলোকে দলটোক দেখনিয়াৰ হোৱাকৈ এই ৰঙটোৰ বাচনি কৰি লৈছে ।
উল্লেখ্য যে, বৰ্তমানলৈকে প্ৰতিযোগিতাত অপৰাজিত হৈ থকা ভাৰতীয় দলে চাৰি খন মেচত জয় আৰু এখন বৰষুণৰ বাবে পৰিত্যক্ত হোৱাত ৯ পইন্ট সংগ্ৰহেৰে পইন্ট তালিকাৰ তৃতীয় স্থান দখল কৰিছে । ভাৰতে জুনৰ ৩০ তাৰিখে ইংলেণ্ডৰ বিৰুদ্ধে বিশ্বকাপৰ এখন গুৰুত্বপূৰ্ণ মেচত অংশগ্ৰহণ কৰিব ।
