নিউজ ডেস্ক 23 জুনঃ শনিবাৰে বিশ্বকাপ ক্ৰিকেটক মেচত এখন ৰোমাঞ্চকৰ মেচক ভাৰতে আফগানিস্তানক 11 ৰাণত পৰাস্ত কৰে ৷ ভাৰতৰ এই জয়ত মুখ্য ভূমিকা কয় ভাৰতৰ বেগী বলাৰ মহম্মদ ছামীয়ে ৷ মহম্মদ ছামীয়ে অন্তিমটো অভাৰত হেট্ৰিক লয়৷
এই মেচ খনত ছামীয়ে সৰ্বমুঠ 4 টা উইকেট দখল কৰে ৷ মহম্মদ ছামী বিশ্বকাপত হেট্ৰীক লোৱা দ্বিতীয় জন ভাৰতীয় হিচাপে পৰিগণিত হয়৷ ইয়াৰ আগতে ভাৰতীয় বলাৰ চেতন শৰ্মাই হেট্ৰিক লৈছিল৷ চেতন শৰ্মাই 1987 চনৰ বিশ্বকাপত নিউজিলেণ্ডৰ বিৰোধে হেট্ৰিক লৈছিল৷ উল্লেখ্য যে চেতন শৰ্মাই তিনিজন বেটচমেনক উইকেট বল্ড কৰি লৈছিল৷ মহম্মদ ছামীয়ে দুজন বেটচমেনক বল্ড কৰাৰ উপৰিও এজন বেটচমেনক কেচ আউট কৰায়৷
