নিউজ ডেস্ক, ২৫ মে': শুকুৰবাৰে ব্ৰিষ্টল কাউন্টি গ্ৰাউণ্ডত অনুষ্ঠিত হোৱা বিশ্বকাপ ক্ৰিকেটৰ প্ৰথমখন ৱাৰ্ম আপ মেচত আফগানিস্তানৰ হাতত পৰাস্ত হ'বলগীয়া হয় পাকিস্তান । হছমতুল্লাহ ছাহিদীৰ অপৰাজিত ৭৪ ৰাণৰ জৰিয়তে আফগানিস্তানে ৩ উইকেটত জয় সাব্যস্ত কৰে । পাকিস্তানে প্ৰথমে বেটিং কৰি আটাইকেইটা উইকেট হেৰুৱাই ২৬২ ৰাণ সংগ্ৰহ কৰাৰ পাছতে আফগানিস্তানে ৭ উইকেট হেৰুৱাইয়ে এই সীমা অতিক্ৰম কৰিবলৈ সক্ষম হয় ।
উল্লেখ্য যে, পাকিস্তানে পৰৱৰ্তী ৱাৰ্ম আপ মেচত ২৬ মে' তাৰিখে বাংলাদেশৰ বিৰুদ্ধে অৱতীৰ্ণ হ'ব আৰু আফগানিস্তানে ২৭ মে'ত আয়োজক দেশ ইংলেণ্ডৰ বিৰুদ্ধে যুঁজত নামিব ।
