নিউজ ডেস্ক,25 জুন : ৱেষ্ট ইণ্ডিজৰ বিৰুদ্ধে জুনৰ 27 তাৰিখে খেলপথাৰত নমাৰ পূৰ্বে মঙলবাৰে নেট অনুশীলনত নামিল ভাৰতীয় বেগী বলাৰ ভূৱনেশ্বৰ কুমাৰ ৷ পাকিস্তানৰ বিৰুদ্ধে মেচত ভূৱনেশ্বৰে আঘাতপ্ৰাপ্ত হোৱাৰ বাবে আফগানিস্তানৰ বিৰুদ্ধে মেচত অৱতীৰ্ণ হোৱা নাছিল ৷ তেওঁৰ পৰিৱৰ্তে মহম্মদ ছামীয়ে 11 জনীয়া ভাৰতীয় দলত স্থান লাভ কৰিছিল ৷
29 বৰ্ষীয় বলাৰ গৰাকীয়ে প্ৰায় আধা ঘন্টাৰ বাবে অনুশীলনত নামে আৰু সম্পূৰ্ণ সুস্থ অৱস্থাত প্ৰত্যক্ষ কৰা হয় তেওঁক ৷ এই অনুশীলনৰ সময়ত তেওঁৰ সৈতে উপস্থিত থাকে দলৰ প্ৰধান নিৰ্বাচক এম. কে. প্ৰসাদ আৰু ফিটনেছ প্ৰশিক্ষক ফাৰহাৰ্ট পেট্ৰিক ৷
বিচিচিআইৰ এক সূত্ৰই জানিবলৈ দিয়া অনুসৰি,ভূৱনেশ্বৰ আঘাতৰ পৰা মুক্ত হৈ উঠিছে যদিও ৱেষ্ট ইণ্ডিজৰ বিৰুদ্ধে খেলাক লৈ বৰ্তমানেও নিশ্চিত হোৱা নাই ৷ দলীয় মেনেজমেন্টে তেওঁক আৰাম প্ৰদান কৰি মহম্মদ ছামীক অন্তৰ্ভুক্ত কৰাৰো সম্ভাৱনা আছে বুলি মন্তব্য কৰে সূত্ৰটোৱে ৷
