স্পৰ্টছ ডেস্ক, 3 আগষ্টঃ ৱেষ্ট ইণ্ডিজৰ ভূমিত আজি গৃহবাহিনীৰ সন্মুখ-সমৰত নামিব ভাৰত ৷ ভাৰতে 3 খন টি-20, 3 খন এদিনীয়া,আৰু 2 খন টেষ্ট মেচ শৃংখলাত অৱতীৰ্ণ হ’ব ৱেষ্ট ইণ্ডিজ ৷ শনিবাৰে এই ভ্ৰমণসূচীৰ প্ৰথমখন আন্তঃৰাষ্ট্ৰীয় টি-20 মেচ অনুষ্ঠিত হ’ব ফ্লৰিডাত ৷ ভাৰতীয় সময় অনুসৰি সন্ধিয়া 8 বজাত অনুষ্ঠিত হ’ব এইখন উত্তেজনা পূৰ্ণ মেচখন ৷ বিশ্বকাপৰ পাচত দুয়োটা দলৰ বাবে এইটো হ’ব প্ৰথমখন আন্তঃৰাষ্ট্ৰীয় শৃংখলা ৷
এই শৃংখলাত ভাৰতীয় দলটোৰ ওপৰত থাকিব সকলো বাদ-বিবাদৰ অৱসান ঘটাই সুন্দৰ প্ৰদৰ্শন কৰাৰ এক মানসিক হেঁচা ৷ দলটোৰ প্ৰদৰ্শন নিৰ্ভৰ কৰিব বিৰাট কোহলি,শিখৰ ধাৱন,ৰোহিত শৰ্মা,কে.এল ৰাহুল,ৰবিন্দ্ৰ জাডেজা,ঋষভ পন্ত (উইকেটকীপাৰ), ভূৱনেশ্বৰ কুমাৰ আদিৰ দৰে বহু অভিজ্ঞতাপূৰ্ণ আৰু যুৱ খেলুৱৈৰ ওপৰত ৷ ৱেষ্ট ইণ্ডিজৰ দৃষ্টিভংগীৰে দলটোৰ জয় নিৰ্ভৰ কৰিব কাইৰণ পলাৰ্ড,কাৰ্লছ ব্ৰেথৱেইট,জন কেম্পবেল,নিকলছ পুৰাণ,সুনীল নায়াৰণ আদি খেলুৱৈৰ ওপৰত ৷
তিনিখন টি-20 বাবে ভাৰতীয় দলটোত আছেঃ বিৰাট কোহলি (অঃ),ৰোহিত শৰ্মা(সহঃঅঃ),শিখৰ ধাৱন,কে.এল ৰাহুল,শ্ৰেয়াছ আয়াৰ,মনিষ পাণ্ডে,ঋষভ পন্ত (উইকেটকীপাৰ),ক্ৰোণাল পাণ্ডিয়া,ৰবিন্দ্ৰ জাডেজা,ৱাশ্বিংটন সুন্দৰ,ৰাহুল চাহাৰ,ভূৱনেশ্বৰ কুমাৰ, খালিল আহমেদ,দীপক চাহাৰ,নৱদ্বীপ চাইনী ৷
এদিনীয়া শৃংখলাৰ বাবে ভাৰতীয় দলটোত আছেঃ বিৰাট কোহলি (অঃ),ৰোহিত শৰ্মা (সহঃ অঃ) শিখৰ ধাৱন,কে.এল ৰাহুল, শ্ৰেয়াছ আয়াৰ,মনিষ পাণ্ডে,ঋষভ পন্ত(উইকেটকীপাৰ),ক্ৰোণাল পাণ্ডিয়া,ৰবিন্দ্ৰ জাডেজা,কুলদ্বীপ যাদৱ,যুজৱেন্দ্ৰ চাহাল,কেদাৰ যাদৱ,মহম্মদ শ্বামী,ভূৱনেশ্বৰ কুমাৰ,খালিল আহমেদ,নৱদ্বীপ চাইনী ৷
দুখন টেষ্টৰ বাবে ভাৰতীয় দলটোত আছেঃ বিৰাট কোহলি (অঃ),আজিংকা ৰাহানে (সহঃ অঃ),মায়াংক আগৰৱাল,কে.এল ৰাহুল,চেতেশ্বৰ পূজাৰা,হনুমান বিহাৰী,ৰোহিত শৰ্মা,ঋদ্ধিমান শ্বাহা (উইকেটকীপাৰ),ঋষভ পন্ত (উকেটকীপাৰ),আৰ আশ্বিন, ৰবিন্দ্ৰ জাডেজা,কুলদ্বীপ যাদৱ,ইশান্ত শৰ্মা,মহম্মদ শ্বামী, জছপ্ৰীত বোমৰাহ,উমেশ যাদৱ ৷
