স্পৰ্টছ ডেস্ক, 19 জুলাইঃ অন্ত পৰিল বিশ্বকাপৰ ৷ ছেমিফাইনেলত ৰুদ্ধ হ’ল ভাৰতৰ যাত্ৰা ৷ ইয়াৰ পাচতেই চৰ্চা চলিছিল ধোনীৰ সন্ন্যাসক লৈ ৷ আনকি ৱেষ্ট ইণ্ডিজ ভ্ৰমণৰ কাৰণেও ভাৰতীয় দলত ধোনীক স্থান নিদিয়াৰ কথা বাহিৰলৈ আহিছে ৷ ইয়াৰ পাচতেই ছেহৱাগৰ সমৰ্থন ধোনীক ৷
ধোনীয়ে কেতিয়া সন্ন্যাস গ্ৰহণ কৰিব সেইয়া ধোনীৰ ওপৰত এৰি দিব লাগে ৷ দল নিৰ্বাচক মণ্ডলীয়ে ধোনীৰ সৈতে কথা পাতি স্পষ্ট কৰাৰ দৰকাৰ যে আগন্তুক শৃংখলাত তেওঁক স্থান দিব নে নাই ৷ ছেহৱাগে লগতে দুখ প্ৰকাশ কৰি কয়, মোৰ সৈতে যদি দল নিৰ্বাচক মণ্ডলীয়ে নিজৰ ৰণনীতি প্ৰকাশ কৰিলে হয় অথবা মোৰ সন্ন্যাসক লৈ শুধিলে মোৰ অৱসৰৰ কথা মই প্ৰকাশ কৰিব পাৰিলো হেতেন ৷
