স্পৰ্টছ ডেস্ক, 27 জুনঃ ভাৰতৰ প্ৰাক্তন অধিনায়ক তথা ক্ৰিকেটাৰ ৰাহুল দ্ৰাৱিড়কলৈ গুৰুত্বপূৰ্ণ মন্তব্য় বৰ্তমান ভাৰতীয় টেষ্ট ক্ৰিকেটৰ মূল ৰাজহাড় হিচাপে পৰিচিত চেতেশ্বৰ পূজাৰাৰ । তেওঁৰ জীৱনত ৰাহুল দ্ৰাৱিড়ৰ প্ৰভাৱ এটা শব্দত বিৱৰণ দিয়া সম্ভৱ নহয় বুলি উল্লেখ কৰে খেলুৱৈগৰাকীয়ে ।
পূজাৰাই কয়, ক্ৰিকেটৰ পৰা আঁতৰি যোৱাৰ মহত্বৰ বিষয়ে জ্ঞান দিয়াৰ বাবে তেওঁ সদায় দ্ৰাৱিড়ৰ ওচৰত কৃতজ্ঞ হৈ থাকিব । ব্যক্তিগত আৰু পেচাদাৰী জীৱনক পৃথকে কেনেকৈ ৰখা হয় সেই বিষয়ে জ্ঞান দিয়াৰ বাবে দ্ৰাৱিড়ক ধন্যবাদ জ্ঞাপন কৰে খেলুৱৈগৰাকীয়ে ।
এক ক্ৰিকেট ৱেবচাইটত এই কথা উল্লেখ কৰি পূজাৰাই কয়, ৰাহুল দ্ৰাৱিড়ৰ পৰাই মই এই বিষয়ে অধিক স্পষ্টতা লাভ কৰিবলৈ সক্ষম হৈছিলো । মই কাউণ্টি ক্ৰিকেটতো দেখা পাইছো কেনেকৈ ব্য়ক্তিগত আৰু পেশাগত জীৱনক পৃথকে ৰখা হয় । মই তেওঁৰ পৰামৰ্শক অধিক গুৰুত্ব প্ৰদান কৰো । বৰ্তমানে মোৰ মনোযোগ কেন্দ্ৰিভূত হৈ আছে মই কি কৰিব লাগে । কিন্তু মই এইটোও জানো যে, কেতিয়া মই আঁতৰি আহিব লাগিব । ক্ৰিকেটৰ বাহিৰেও এটা জীৱন আছে ।
পূজাৰাৰ মানসিক দৃঢ়তা, বেটিঙৰ কৌশল প্ৰায়েই দ্ৰাৱিড়ৰ সৈতে তুলনা কৰা হয় যদিও পূজাৰাই দ্ৰাৱিড়ৰ সৈতে সামাঞ্জস্য থাকিলেও তেওঁ কেতিয়াও দ্ৰাৱিড়ৰ নকল কৰাৰ চেষ্টা কৰা নাই বুলি উল্লেখ কৰে ।
তেওঁ কয়, আমাৰ খেলত মিল থাকিলেও এইটো মোৰ তেওঁৰ প্ৰতি আকৰ্ষণৰ বাবে নহয় । এইটো মুখ্য ৰূপে সৌৰাষ্ট্ৰৰ সৈতে খেলা মোৰ অভিজ্ঞতাৰ পৰা আহিছে । য'ত মই অকলেই শতক অৰ্জন কৰা পৰ্যাপ্ত নহয়, দলটোকো আগবঢ়াই নিয়া প্ৰয়োজনৰ কথা শিকিবলৈ পাইছিলো বুলি কয় । লগতে কয় মোৰ বাবে এটা বাক্যত ৰাহুল ভাইৰ বিষয়ে কোৱা সম্ভৱ নহয় । তেওঁ সদায় মোৰ বাবে প্ৰেৰণা ।
