স্পৰ্টছ ডেস্ক, 20 জুনঃ ক্ৰমাৎ অনিশ্চয়তাৰ দিশত গতি কৰিছে চলিত বৰ্ষত অষ্ট্ৰেলিয়াত হ'বলগীয়া পুৰুষ টি-20 বিশ্বকাপৰ আয়োজন । চলিত বৰ্ষৰ 18 অক্টোবৰৰ পৰা 15 নৱেম্বৰলৈ অনুষ্ঠিত হ'বলগীয়া কথা 2020 বৰ্ষৰ পুৰুষৰ টি-20 বিশ্বকাপ । কিন্তু কৰ'ণা ভাইৰাছৰ ফলতেই এই প্ৰতিযোগিতাৰ আয়োজনৰ ওপৰত নামিছে এতিয়া অমানিশা ।
আনহাতে আগন্তুক বৰ্ষৰ 6 ফেব্ৰুৱাৰী পৰা 7 মাৰ্চলৈ নিউজিলেণ্ডত অনুষ্ঠিত হ'বলগীয়া আছে মহিলাৰ এদিনীয়া বিশ্বকাপ । কিন্তু শেহতীয়া খবৰ অনুসৰি ক্ৰিকেট অষ্ট্ৰেলিয়াই এই তাৰিখ সমূহত পুৰুষৰ টি-20 বিশ্বকাপ আয়োজন কৰাৰ কথা চিন্তা কৰা বুলি জানিব পৰা গৈছে ।
শেহতীয়াকৈ এক ৱেবচাইটে অষ্ট্ৰেলিয়ান মহিলা খেলুৱৈ পেৰীক উদ্ধৃত কৰি কোৱা হৈছে, এই কথাটো নিৰ্ভৰ কৰিব পুৰুষ টি-20 বিশ্বকাপ কেতিয়া আয়োজন হ'ব । ইয়াৰ প্ৰভাৱ মহিলা বিশ্বকাপত পৰিব । যদি পুৰুষ বিশ্বকাপ স্থগিত হয় তেন্তে বিশ্বস্তৰত একে সময়তে দুখন টুৰ্ণামেণ্ট আয়োজন কৰা কঠিন হ'ব ।
পেৰীয়ে লগতে কয়, এনে ধৰণৰ প্ৰতিযোগিতা একে সময়তে খেলিব পৰা নাযাব । কি ধৰণে হ'ব ইয়াক লৈ এতিয়াই কোৱা কঠিন । যেনেকৈ পৰিস্থিতি চলি আছে সেইয়া চাই বিশ্বকাপ আয়োজনৰ সম্ভাৱনা দেখা পোৱা যোৱা নাই ।
পেৰীয়ে ইয়াৰ লগতে ক্ৰিকেট অষ্ট্ৰেলিয়াৰ খালী হোৱা মুখ্য কাৰ্যবাহী পদৰ বাবে (CEO) প্ৰথমবাৰৰ কাৰণে মহিলা বিষয়াক নিযুক্তি দিয়াৰ পৰামৰ্শ আগবঢ়াইছে । লগতে ইয়াৰ বাবে বহু যোগ্য় প্ৰাৰ্থী আছে বুলিও কয় খেলুৱৈগৰাকীয়ে । উল্লেখ্য় যে, 2021 বৰ্ষৰ মহিলা টি-20 বিশ্বকাপৰ আয়োজন কৰা হ'ব ভাৰতত ।
লগতে চাওকঃ গোলাঘাটৰ সৰুপথাৰত থকা ৰেচম কেন্দ্ৰত উৎপাদন ক্ষমতা হ্ৰাস
