স্পৰ্টছ ডেস্ক, 15 নৱেম্বৰঃ বাংলাদেশৰ বিৰুদ্ধে প্ৰথম টেষ্টৰ প্ৰথম ইনিংছত 243 ৰাণৰ ইনিংছ গঢ়াৰ পিছতে বিশেষভাৱে সক্ষম ছাত্ৰৰ এটা দলৰ সৈতে মিলিত হ'ল অ'পেনাৰ ময়ংক আগৰৱাল ৷ উল্লেখ্য যে, আগৰৱালৰ দ্বিশতকৰ জৰিয়তে ভাৰতে 6 টা উইকেট হেৰুৱাই 493 ৰাণ সংগ্ৰহ কৰিছে ৷ ইয়াৰ ফলত ভাৰতে 343 ৰাণত অগ্ৰগতি লাভ কৰিবলৈ সক্ষম হৈছে ৷ ময়ংক আগৰৱালৰ উপৰি আজ্যেংকা ৰাহানে আৰু ৰবীন্দ্ৰ জাদেজাই ক্ৰমে 86 আৰু 60 ৰাণৰ ইনিংছ গঢ়ে ৷
বিশেষভাৱে সক্ষম সংস্থাটোৰ এগৰাকী কৰ্মচাৰী সঞ্জয় পণ্ডিতে জানিবলৈ দিয়া অনুসৰি, মেচখনৰ বাবে তেওঁলোকক পাছ প্ৰদান কৰা হৈছিল ৷ প্ৰায় 20 গৰাকী ছাত্ৰই মেচখন উপভোগৰ বাবে ষ্টেডিয়ামলৈ আহিছিল ৷ "ছাত্ৰসকলে টিকট লাভ কৰি সুখী হৈ পৰে ৷ তেওঁলোকে ময়ংকৰ ইনিংছ উপভোগ কৰে" সঞ্জয়ে কয় ৷
ইন্দোৰ ৰাউণ্ড টেবুল নামৰ বেচৰকাৰী সংস্থাটোৰ সদস্য মোহিত ভাৰ্গৱাই কয়, "আমি মধ্য প্ৰদেশ ক্ৰিকেট এছ'চিয়েছনক টিকেটৰ বাবে অনুৰোধ জনাইছিলো আৰু তেওঁলোকে টিকেট প্ৰদান কৰে ৷ তেওঁলোকৰ মুখত হাঁহি দেখিবলৈ পাই আমি সুখী হৈছো ৷"
আৰু পঢ়ক : মধ্যপ্ৰদেশৰ চাটনাত বাছ দূৰ্ঘটনা : 5 জন নিহত
