স্পৰ্টছ ডেস্ক, 7 আগষ্ট : 13 সংখ্যক আইপিএলৰ আৰম্ভণিলৈ অধীৰ আগ্ৰহেৰে বাট চাইছে ভাৰতীয় বেগী বলাৰ জছপ্ৰীত বুমৰাহে ৷ চ'ছিয়েল মিডিয়াৰ জৰিয়তে এই কথা প্ৰকাশ কৰে তেওঁ ৷ উল্লেখ্য যে, 19 ছেপ্টেম্বৰৰ পৰা 10 নৱেম্বৰলৈ বিচিচিআইয়ে তিনিটাকৈ স্থান- ডুবাই, আবু ধাবি আৰু শ্বাৰজাহত আয়োজন কৰিব আইপিএল ৷ কৰ'ণা ভাইৰাছ মহামাৰীৰ বাবে মাৰ্চ মাহতে অনুষ্ঠিত হ'বলগা ইভেন্টখন স্থগিত ৰখা হৈছিল ৷
মুম্বাই ইণ্ডিয়ানছৰ জাৰ্ছীত উইকেট দখল কৰা তেওঁৰ এখন ফ'টোৰ সৈতে বুমৰাহে লিখে, "সময় আহিল ৷" উল্লেখ্য যে, যোৱা বছৰৰ ছিজনত মু্ম্বাইৰ জয়ত বুমৰাহে গুৰুত্বপূৰ্ণ ভূমিকা গ্ৰহণ কৰিছিল ৷
ৰাহানেও ইনষ্টাগ্ৰামৰ জৰিয়তে এখন নতুন ফ'টো পোষ্ট কৰি লিখে, "এইবৰ্ষৰ আইপিএলত মই নতুন আৰম্ভণি কৰিম ৷ ছিজনৰ বাবে অপেক্ষা কৰি আছো ৷"
উল্লেখ্য যে, বিচিচিআইয়ে Vivo ৰ সৈতে স্পনছৰশ্বিপ ভংগ কৰাৰ সিদ্ধান্ত গ্ৰহণ কৰিছে ৷ ভাৰতীয় বলিং আক্ৰমণৰ দূৰ্দান্ত বলাৰগৰাকীয়ে 19 বছৰ বয়সতে আইপিএলত আত্মপ্ৰকাশ ঘটাইছিল ৷ আত্মপ্ৰকাশৰ মেচতে বুমৰাহে 32 ৰাণ দি 3 টা উইকেট দখল কৰিছিল ৷ বৰ্তমানলৈকে মুঠ 77 খন মেচত তেওঁ সংগ্ৰহ কৰিছে 82 টা উইকেট ৷
লগতে পঢ়ক : আজি ক্ৰিকেট অষ্ট্ৰেলিয়া আৰু BCCIৰ গুৰুত্বপূৰ্ণ বৈঠক
