স্পৰ্টছ ডেস্ক,2 মেঃ আই পি এলৰ 51 সংখ্যক মেচত আজি মুখা-মুখি হ'ব মুম্বাই ইণ্ডিয়ানছ আৰু ছানৰাইজাৰ্ছ হায়দৰাবাদ ৷ মুম্বাইৰ ৱাংখাড়ে ষ্টেডিয়ামত সন্ধিয়া 8 বজাত অনুষ্ঠিত হ'ব খেলখন ৷
ইতিমধ্যে,12 খন মেচৰ পৰা 14 পইন্টেৰে পইন্ট তালিকাৰ তৃতীয় স্থানত আছে ৰোহিত শৰ্মা নেতৃত্বাধীন মুম্বাই ইণ্ডিয়ানছ দল ৷ তেনেস্থলত, আজিৰ খেলখনত জয়লাভেৰে প্লে' অফত স্থান নিশ্চিত কৰাৰ লক্ষ্যৰে খেলপথাৰত নামিব মুম্বাই ইণ্ডিয়ানছ ৷ দলটোৰ অলৰাউণ্ডাৰ হাৰ্দিক পাণ্ডিয়া আছে দুৰ্দান্ত ফৰ্মত ৷ আনহাতে,12 পইন্টেৰে পইন্ট তালিকাৰ চতুৰ্থ স্থানত আছে ছানৰাইজাৰ্ছ হায়দৰাবাদ ৷ আজিৰ খেলখনত জয়লাভেৰে প্লে' অফৰ আশা সজীৱ কৰি ৰাখিব বিচাৰিব দলটোৱে ৷
