স্পৰ্টছ ডেস্ক, 3 আগষ্ট : আইপিএলৰ অনুৰাগীৰ বাবে সুঃখবৰ ৷ নিৰ্ধাৰণ কৰা হ’ল আইপিএলৰ চূড়ান্ত তাৰিখ ৷ বিচিচিআইৰ বিষয়াই এক সংবাদ সংস্থাক দিয়া মন্তব্য় অনুসৰি, আইপিএলৰ গভৰ্ণিং কাউন্সিলৰ বৈঠকত আইপিএল এসপ্তাহলৈ বৃদ্ধি কৰাৰ সিদ্ধান্ত গ্ৰহণ কৰা হৈছে ৷ ফলত 10 নৱেম্বৰত অনুষ্ঠিত হ’ব ত্ৰয়োদশ আইপিএলৰ ফাইনেল মেচ ৷ কঠিন নীতি-নিয়মৰ প্ৰতি লক্ষ্য ৰাখি মেচ সমূহৰ মাজত যাতে সময়ৰ ব্যৱধান থাকে আৰু 10 খন ডবল হেডৰ মেচৰ পৰিকল্পনাৰ অধীনতেই এই সিদ্ধান্ত গ্ৰহণ কৰা হৈছে বুলি জানিবলৈ দিয়ে ৷
বিষয়াগৰাকীয়ে লগতে কয়, আমি 10 নৱেম্বৰৰ দিনটো ধাৰ্য কৰিছো আইপিএলৰ ফাইনেল আয়োজনৰ বাবে ৷ আইপিএলৰ ইতিহাসত প্ৰথমবাৰৰ বাবে উইক ডেত আয়োজন হ’ব আইপিএলৰ ফাইনেল মেচ ৷
বায়ু সুৰক্ষা পৰিৱেশ ইত্যাদি দিশ সমূহৰ প্ৰতি লক্ষ্য ৰাখিয়ে মেচ সমূহৰ মাজত যাতে ব্যৱধান ৰাখিব পৰা যায় তাৰ বাবেই এই ছীজনত 10 খন ডবল হেডৰ মেচ কৰাৰ সিদ্ধান্ত লোৱা হৈছে ৷ আনহাতে পূৰ্বৰ 8 বজাৰ সলনি এইবাৰ আইপিএলৰ সন্ধিয়া ভাগৰ মেচসমূহ ভাৰতীয় সময় অনুসৰি 7.30 বজাত অনুষ্ঠিত কৰা হ’ব বুলিও নিশ্চিত কৰে ৷
ইতিমধ্যে আইপিএলৰ গভৰ্ণিং কাউন্সিলে অস্থায়ী ভাৱে সংযুক্ত আমিৰাতত আইপিএলৰ ত্ৰয়োদশ সংস্কৰণ আয়োজনৰ অনুমতি বিচাৰি ভাৰত চৰকাৰলৈ আবেদন কৰিছে ৷
উল্লেখ্য যে, এই ত্ৰয়োদশ সংস্কৰণৰ আইপিএলৰ প্ৰত্যেক আঠটা দলত 24 জনকৈ খেলুৱৈ থাকিব পাৰিব ৷ ডুবাই, আবু ধাবি আৰু শ্বাৰজাহ ষ্টেডিমায়ত অনুষ্ঠিত কৰা হ’ব আইপিএলৰ সকলো মেচ ৷ অৱশ্যে ষ্টেডিয়ামত দৰ্শক উপস্থিত থাকিব নে নাই সংযুক্ত ক্ৰিকেট বৰ্ডৰ সৈতে আলোচনা কৰিয়ে এই সন্দৰ্ভত সিদ্ধান্ত গ্ৰহণ কৰা হ’ব বুলি জানিবলৈ দিয়ে ৷ 19 ছেপ্তেম্বৰৰ পৰা 10 নৱেম্বৰলৈ অনুষ্ঠিত হ’বলগীয়া আইপিএলৰ ত্ৰয়োদশ সংস্কৰণত মুঠ 53 খন মেচ অনুষ্ঠিত হ’ব ৷
আনহাতে গভৰ্ণিং কাউন্সিলে চাইনীজ ম’বাইল ভিভ’ৰ স্পন্সৰশ্বিপ ৰ লগতে ক’ভিড-19 ৰ বিকল্প খেলুৱৈৰো মঞ্জুৰী প্ৰদান কৰিছে ৷ বৰ্তমানে সংযুক্ত আৰৱ আমিৰাতত আইপিএলৰ আয়োজনৰ বাবে আগন্তুক সপ্তাহৰ ভিতৰত চৰকাৰৰ অনুমতি লাভৰ অপেক্ষাত বিচিচিআই ৷ ইতিমধ্যে ভাৰতীয় ক্ৰীড়া মন্ত্ৰণালয়ৰ পৰা অনুমতি লাভ কৰাৰ পাচত সম্প্ৰতি উৎসাহিত হৈ আছে বিচিচিআইৰ বিষয়ববীয়া সকল ৷
লগতে চাওক-ধোনীৰ আন্তৰাষ্ট্ৰীয় কেৰিয়াৰৰ সৈতে আইপিএলৰ কোনো সম্পৰ্ক নাই : আশীষ নেহৰা
