আজি ঘোষণা হ’ব বিশ্বকাপৰ বাবে ভাৰতীয় ক্ৰিকেট দল

আগন্তুক বিশ্বকাপৰ বাবে 15 এপ্ৰিলত ঘোষণা কৰা হ’ব ভাৰতীয় ক্ৰিকেট দল ৷ 30 মে’ৰ পৰা অনুষ্ঠিত হ’বলগীয়া বিশ্বকাপৰ অন্ত পৰিব 14 জুলাইত

স্পৰ্টছ ডেস্ক, 15 এপ্ৰিলঃ ইংলেণ্ডত অনুষ্ঠিত হ’বলগীয়া বিশ্বকাপৰ বাবে আজি ঘোষণা কৰা হ’ব ভাৰতীয় দল ৷ সোমবাৰে মুম্বাইত বি চি চি আই আৰু অধিনায়ক কোহলিৰ মাজত অনুষ্ঠিত বৈঠকৰ পাচতেই ঘোষণা কৰা হ’ব ভাৰতীয় ক্ৰিকেট দলটোৰ নাম ৷ দুবাৰৰ বিশ্ব চেম্পিয়ন ভাৰতীয় দলটোত চতুৰ্থ স্থানৰ বাবে কোনজন খেলুৱৈৰ নাম অন্তৰ্ভূক্ত হ’ব সেয়াহে লক্ষ্যণীয় হ’ব ৷ ভাৰতে 5 জুনত দক্ষিণ আফ্ৰিকাৰ বিৰুদ্ধে নিজৰ বিশ্বকাপৰ অভিযান আৰম্ভ কৰিব ৷