ডুবাই, 12 নৱেম্বৰ: দুবছৰ আগতে জয় লাভ কৰা ঐতিহাসিক টেষ্ট শৃংখলা নিৰ্মাণ কৰাৰ লক্ষ্য বান্ধি দুমহীয়া ভ্ৰমণসূচীৰে বুধবাৰে অষ্ট্ৰেলিয়ালৈ বুলি ৰাওনা হয় ভাৰতীয় ক্ৰিকেট দল ৷ বিমানবন্দৰৰ পৰা প্ৰস্থান কৰাৰ পূৰ্বে বিচিচিআইয়ে ক'ভিড-19 অতিমাৰীৰ বাবে পিপিই কিট পৰিধান কৰা ভাৰতীয় ক্ৰিকেট দলৰ ক্ৰিকেটাৰ সকলৰ ফটো টুইটাৰ যোগে শ্বেয়াৰ কৰে ৷ টুইটাৰ প'ষ্টত কেপচনত বিচিচিআইয়ে এইবুলি লিখে, '#TeamIndia is BACK! Let's embrace the new normal,'
উল্লেখ্য যে ইণ্ডিয়া স্কোৱাডৰ গৰিষ্ঠসংখ্যক সদস্যই আইপিএলত প্ৰতিদ্বন্দীতা কৰি আছিল আৰু নিজ নিজ দলৰ অভিযান শেষ হোৱাৰ পাছতেই তেওঁলোকে নতুন অভিযানলৈ বুলি ৰাওনা হৈছে ৷
ভাৰতীয় দলটোৱে চিডনীত অৱতৰণ কৰাৰ পাছত আৰু 14 দিনৰ বাবে কোৱাৰেন্টাইনত থাকিব বুলি জানিব পৰা গৈছে ৷ অৱশ্যে কোৱাৰেন্টাইনৰ কালছোৱাত তেওঁলোকক প্ৰশিক্ষণৰ বাবে অনুমতি প্ৰদান কৰা হৈছে ৷ বহু প্ৰত্যাশিত টেষ্ট শৃংখলাটো দিবা-নৈশ টেষ্টেৰে 17 ডিচেম্বৰৰ পৰা এডেলাইডত আৰম্ভ হ'ব বুলি জানিব পৰা গৈছে ৷ অৱশ্যে বিৰাট কোহলী তেওঁৰ পত্নী অনুস্কা শৰ্মাই তেওঁলোকৰ প্ৰথমটো সন্তানৰ বাবে আশা কৰাৰ পৰিপ্ৰেক্ষিতত কোহলিক প্ৰথমখন টেষ্টৰ পাছতে পিতৃত্বকালীন ছুটী প্ৰদান কৰা হৈছে ৷
লগতে পঢ়ক:কাৰাগাৰৰ পৰা মুকলি হৈয়ে উদ্ধৱ থাকৰেক প্ৰত্যাহ্বান অৰ্ণৱ গোস্বামীৰ
