দহ বছৰ পিচত পাকিস্তান ভ্ৰমণলৈ যাব শ্ৰীলংকা ক্ৰিকেট দল

পাকিস্তানত 2009 বৰ্ষত শ্ৰীলংকা ক্ৰিকেট দলৰ ওপৰত হোৱা আক্ৰমণৰ 10 বছৰ পাচত পুনৰ পাকিস্তান ভ্ৰমণলৈ যাব শ্ৰীলংকা ক্ৰিকেট দল ৷ কাৰাচীত অনুষ্ঠিত হ’ব পাকিস্তান আৰু শ্ৰীলংকাৰ মাজত এদিনীয়া শৃংখলা ৷

স্পৰ্টছ ডেস্ক, 27 ছেপ্টেম্বৰঃ দহ বছৰৰ অন্তত পাকিস্তান ভ্ৰমণলৈ ৰাওনা হ’ব শ্ৰীলংকা ক্ৰিকেট দল ৷ 2009 বৰ্ষত শ্ৰীলংকা ক্ৰিকেট দলৰ ওপৰত আক্ৰমণ হোৱাৰ পাচতেই দলটোৱে যোৱা দহ বছৰ ধৰি পাকিস্তানত কোনো শৃংখলাত অংশগ্ৰহণ কৰা নাছিল ৷

কিন্তু বৰ্তমান শ্ৰীলংকা দলটোৰ আগমণৰ সন্মতি লাভ কৰাৰ পাচতেই পাকিস্তান ক্ৰিকেট দলৰ অধিনায়ক ছৰফৰাজ আহমেদে শ্ৰীলংকাৰ দলটোক কৃতজ্ঞতা জনায় কয় দুয়োটা দলৰ বাবে এইখন হ’ব ঐতিহাসিক মেচ ৷

অৱশ্যে এই শৃংখলাৰ পৰা শ্ৰীলংকা দলটোৰ পৰা নাম প্ৰত্যাহাৰ কৰিছে বহু নামি-দামী খেলুৱৈয়ে ৷ য’ত আছে লাছিথ মালিংগা,ডিকৱেলা,কুছল পৰেৰা,ধনঞ্জয় ডী ছিল্ভা,থিছাৰা পৰেৰা,অকিলা ধনঞ্জয়া,এঞ্জিলো মেথিউছ,ছুৰাংগা লকমল,দিনেশ চাণ্ডিমল আৰু দিমুথ কৰুণাৰত্নে ৷ সুৰক্ষা দিশৰ প্ৰতি লক্ষ্য ৰাখিয়ে এই 10 গৰাকী খেলুৱৈয়ে নিজৰ নাম প্ৰত্যাহাৰ কৰিছে ৷ এই শৃংখলতা শ্ৰীলংকা দলটোৱে 3 খন এদিনীয়া আৰু 3 খন টি-20 মেচত পাকিস্তানৰ বিৰুদ্ধে অৱতীৰ্ণ হ’ব ৷

লগতে পঢ়কঃ গুৱাহাটীত অনুষ্ঠিত হ’ব আন্তঃৰাষ্ট্ৰীয় টি-20 মেচ