গুৱাহাটী,21 জুলাইঃ কৰ'ণাৰ ত্ৰাসৰ বাবে ঘৰতে আবদ্ধ হৈ থাকিব লগা হৈছে সকলো লোক ৷ শিল্পী সকলো এই দীঘলীয়া সময়ছোৱাত বন্দী হৈ থাকিব লগা হৈছে ৷ চিনেমা অথবা ভ্ৰাম্যমাণত অভিনয় কৰা একাংশৰ বাবে দুৰ্বিষহ হৈ পৰিছে এই সময়খিনি ৷ এনে অৱস্থাত অসমৰ জনপ্ৰিয় অভিনেত্ৰী ভ্ৰান্তি মেধী কেনেদৰে ব্যস্ত ৰাখিছে নিজকে ? চিনেমা হল,শ্বুটিং সকলো বন্ধ থকাৰ বাবে ঘৰৰ কামতে বৰ্তমান ব্যস্ত অভিনেত্ৰী ভ্ৰান্তি মেধি ৷ পাকঘৰত ঘৰৰ মানুহক সহায় কৰা,কিতাপ পঢ়া আদি কামত নিজকে ব্যস্ত ৰাখিছে ভ্ৰান্তিয়ে ৷ ইয়াৰ উপৰিও আবেলি সময়ত ব্যায়াম কৰিও সময় পাৰ কৰিছে অসমৰ জনপ্ৰিয় অভিনেত্ৰী গৰাকীয়ে ৷
ইফালে লক ডাউন খুলিলেই আৰম্ভ হ'ব বহুকেইখন ছবিৰ শ্বুটিঙৰ কাম ৷ সমান্তৰাল ভাৱে চৰকাৰে চিনেমা হ'ল খুলিলেই মুক্তি পাব ভ্ৰান্তি মেধীৰ এখন নতুন ছবি ৷ থিয়েটাৰ,ছবিজগত সকলোতে দখল থকা ভ্ৰান্তি মেধীৰ আশা পুনৰ আমাৰ মাজলৈ আহিব ভাল দিন ৷ তেওঁৰ আহ্বান জীৱনৰ জটিলতাখিনি পাহৰি যোগাত্মক হওক সকলো ৷
