চিটাৰা ডেস্ক, 24 আগষ্ট: বিশিষ্ট গায়ক এছ পি বালাসুব্ৰমণিয়ামক লৈ প্ৰচাৰ হোৱা বাতৰি সন্দৰ্ভত সোমবাৰে পুত্ৰ এছ পি চৰণৰ প্ৰতিক্ৰিয়া প্ৰকাশ ৷ বৰ্তমান এছ পি বালাসুব্ৰমণিয়াম ক’ভিড নিগেটিভ বুলি প্ৰচাৰ হোৱা বাতৰিক ভুৱা বুলি এক ভিডিঅ’যোগে মন্তব্য দিয়ে পুত্ৰ চৰণে ৷
ভিডিঅ’ প্ৰচাৰ কৰি তেওঁ কয় যে, ‘‘চিকিৎসালয় কৰ্তৃপক্ষৰ সৈতে আলোচনা কাৰ পাচত মই দেউতাৰ স্বাস্থ্য সম্পৰ্কে সকলোকে অৱগত কৰো ৷ কিন্তু আজি ৰাতিপুৱা মই এক ভুৱা প্ৰচাৰৰ সন্মুখীন হৈছো ৷ কেৱল ময়েই প্ৰথমে দেউতাৰ স্বাস্থ্য সম্বন্ধীয় তথ্য সম্বন্ধে অৱগত হওঁ আৰু তাৰ পাচত মিডিয়াযোগে সকলোকে জনাও ৷ কিন্তু আজি ৰাতিপুৱা দেউতা ক’ভিড নিগেটিভ বুলি এক ভুৱা বাতৰি প্ৰচাৰ কৰা হৈছে ৷ ক’ভিড পজিটিভ বা নিগেটিভেই নহওঁক কিয়, দেউতাৰ স্বাস্থ্য এতিয়াও আগৰ দৰেই আছে’’ ৷
লগতে তেওঁ কয় যে, ‘‘সম্প্ৰতি তেওঁ ECMOৰ সমৰ্থনত ভেণ্টিলেটৰত সুস্থ অৱস্থাত আছে ৷ আশা কৰিছো তেওঁৰ শ্বাস-প্ৰশ্বাসজনিত বেমাৰ অতি সোনকালে ভাল হ’ব ৷ আমি এই ভুৱা প্ৰচাৰৰ পৰা দূৰত থকা উচিত’’ ৷
উল্লেখ্য যে, 5 আগষ্টত 74 বৰ্ষীয় কণ্ঠশিল্পী বালাসুব্ৰমণিয়মৰ দেহত ক’ভিড-19ৰ উপস্থিতি ধৰা পৰাৰ পাচত তেওঁক চেন্নাইস্থিত এম জি এম হেলথ্কেয়াৰত ভৰ্তি কৰোৱা হৈছিল ৷
চিকিৎসালয়ৰ বুলেটিত প্ৰকাশিত অনুসৰি, 22 আগষ্টত তেওঁৰ স্বাস্থ্যৰ অধিক অৱনতি ঘটাৰ ফলত অক্সিজেন প্ৰদানৰ হেতু কণ্ঠশিল্পী গৰাকীক ভেণ্টিলেটৰত ৰাখি চিকিৎসা প্ৰদান কৰা হয় ৷
লগতে পঢ়ক: সুশান্ত আত্মহত্যাৰ তদন্ত: পুনৰ সিদ্ধাৰ্থ পিথানীক জেৰা চিবিআইৰ
