চিটাৰা ডেস্ক, 20 মে’: বলিউডৰ মোহময়ী অভিনেত্ৰী সোনাক্ষী সিনহাই বুধবাৰে তেওঁৰ অনুৰাগীসকলক চ’ছিয়েল মিডিয়াযোগে ধন্যবাদ জ্ঞাপন কৰে ৷ কিয়নো পুনৰবাৰ অভিনেত্ৰীগৰাকীৰ অনুৰাগীসকলৰ ফেন ক্লাৱে শেহতীয়া কোভিড-19ৰ বিৰুদ্ধে যুঁজ দি থকা লোকসকলক পিপিই কিট প্ৰদান কৰা বুলি তেওঁ জানিবলৈ দিয়ে ৷ লগতে অনুৰাগীসকলক ‘সৰ্বশ্ৰেষ্ঠ অনুৰাগী’ৰ আখ্যা দিয়ে অভিনেত্ৰীগৰাকীয়ে ৷
উল্লেখ্য যে, ইয়াৰ পূৰ্বে পুণেৰ চৰ্দাৰ বল্লভ ভাই পেটেল হাস্পতালত পিপিই কিট প্ৰদান কৰাৰ পিছত এইবাৰ মুম্বাইস্থিত কে. জে. সোমেয়া হাস্পতালত পিপিই কিট বিতৰণ কৰে অনুৰাগীসকলে ৷ সোনাক্ষী সিনহাই তেওঁৰ ইনষ্টাগ্ৰাম পোষ্টৰ জৰিয়তে প্ৰদান কৰা পিপিই কিটসমূহৰ দুখন ফটো শ্বেয়াৰ কৰে ৷
লগতে পঢ়ক: আম্ফানঃ উড়িশাত ধুমুহা আৰু প্ৰচণ্ড জোৱাৰ
