নিউজ ডেস্ক, 16 মে': কাঁ চলচ্চিত্ৰ মহোৎসৱৰ ৰেড কাৰ্পেটত প্ৰত্যক্ষ কৰিবলৈ পোৱা গ'ল আমেৰিকান গায়িকা চেলেনা গোমেজক ৷ ৰেড কাৰ্পেটত ভৰি থৈ পপ ষ্টাৰ গৰাকীয়ে বৰ্তমান সময়ত ছ'চিয়েল মিডিয়াৰ অন্ধাকাৰ দিশ সম্পৰ্কে মন্তব্য কৰে ৷ 26 বছৰীয়া জনপ্ৰিয় শিল্পী গৰাকীয়ে কয়, বিগত কিছু বৰ্ষৰ পৰা ছ’চিয়েল মিডিয়াৰ বাবেই শিল্পী গৰাকীৰ ব্যক্তিগত জীৱনৰ উত্থান-পতনৰ সন্মুখীন হৈছে ৷ যাৰ বাবে ইষ্টাগ্ৰামত 150 মিলিয়নত কৈ অধিক অনুসৰণকাৰী থকাৰ পাচতো ফটো শ্বেয়াৰৰ পৰা বিৰত থাকে ৷ আনহাতে, কাঁ চলচ্চিত্ৰ মহোৎসৱত সংবাদ মাধ্যমৰ সৈতে হোৱা সাক্ষাৎকাৰত শিল্পী গৰাকীৰ আগন্তুক ছবি 'দ্যা ডেড ডণ্ট ডাই' ত ছ'চিয়েল মিডিয়াৰ দ্বাৰা ভুক্তভোগী হ'বলগীয়া বিষয় সামৰি লোৱা হৈছে বুলি মন্তব্য কৰা উপৰিও বৰ্তমান সময়ত ইয়াৰ ভয়াৱহতাৰ পৰা সতৰ্ক থাকিবলৈ মন্তব্য কৰে অনুৰাগীসকলক ৷
প'প ষ্টাৰ চেলেনা গোমেজ
